هلا خيوو خواطر امراة....
ويعين الجميع يارب...
أي مصره عليها ولن اتنازل عنها ...والله يوفقني ان شاء الله .....
ماعتقد اهلي بيرضوون اني اذهب الى محاكم سنيه .....
عندنا هالشيء ..بس بشروط اذا اني الي طالبه الخلع ادفع اليه أي مبلغ يريده بس اني من وين الي ...
كما قلت اهلي مستحيل يدفعوون اليه .........
خيوو اني عندي امل برب العالمي لو ماهذا الامل انجان من زمان اني ميته .......
ان شاء الله احصل شغل واقدر اصرف على روحي وعلى بنتي واتمنى اني ماحمل منه مرة ثاانيه حتى لا تزيد علي اعبااء الحيااة ........
حاولت اني اخذ منه بس ابد مافي فايده ....الفلووس غسلت مخه ......
احنا اذا مابيصرف علينا عيل وين اروح .....يبااني اروح طريق الحراام علشاان اصرف على روحي ....
لو ماني اهلي مربيني تربيه صح انجان من زمان ضعت في هالدنيا ........
ااااااااخ هذا مايفهم حتى الى السيااسه .....
هذا اني بعدي ماشتغلت وكل ماقول اليه ابغي شيء قال اذا اشتغلتين اخذي اليج ...
ولا ويقهرني يقوول بعدين اذا اشتغلتين اشتري الي مو بس اليج.........واني اخذه على قد عقله اقول اليه ان شاء الله بشتري اليك كل شيء بس ان شاء الله اخلص واشتغل ......
هو الي خالنه موافق اني اشتغل كله الفلووس ..........
بس بعدين اذا اشتغلت يمش فهمه اعطيه شيء...
هلا خيوو أم وداد .........
وعليكم السلام :
اني الحين بحاول اني اعرف كل شيء عن الطلاق والحكم الشرعي وبشووف الى وين اوصل ويااهم ......
صح كلامج خيوو ...بس مو اقصد النااس الي هم غريبين عني ...اني اقصد اهلي ....وين ابتعد عنهم ويسكتون عني .........
شنو اغير من نفسي اني اول مارجعت اليه غيرت من نفسي واجد ودست على قلبي ومشاعري ..بس للاسف حق انساان مايستاهل .........
اااااخ بنته .....بنته يااما اقول اليها روحي الى باابا وحبيه وقوليه اليه تبين حلاوة أي شيء المهم تتقرب منه .....بس من اتقول اليه تبي شيء قال اليها امج بتشتري اليج......
شاايفني في بنك واني ماادري ..........
وين اطلب منه ..من اقول اليه نبي شيء يهرب .......علشان بس لا يجيب الينا .......
اذا اشترى الينا شيء تصير معجزه ......... واذا اسأله يقول امي قالت الي .....
يعني لو ما امه مااشترى الينا الاغرااض الضروريه ..........
اني شفته يسمع كلامه امه .... واني الله يشهد علي احب امه وهي تحبني وتعاملني نفس بنتها ....يمكن ساعات تشوشه وتوقف في صفه لان ولدها ....بس احيانا توقف ويااي ........
بس في سالفه الفلووس مستحيل تفنعه امه ....... لو شنو يصير مايقتنع ....بالغصب تقدر ان تقنعه يشتري الينا الاغرااض الضروريه .......
حتى امه جاايب اليها الضغظ والسكري ... وكله تقول اليه مابموت اله منك ومن حجايجك علينا اني ومرتك بنمووت وانت الي بتعيش..........
وين اخلي مايصير اتكالي .......وهو مايعطيني فرصه علشان اقول اليه بلي نبيه .......
هذا لو نطلع بروحنا انجان نموت مو بعد سوء تغذيه ....احنا في بيت عمي وسوء تغذيه لو بروحنا شنو بصير............
اااااااااخ هذا كله احلم فيه ..بس وين مو لاقتنه .......
اني ماابين الي ان اهلي مو ويااي بس هو يشوف بعيونه اذا اروح اشتكي عندهم مايسوون الي شيء ويرجعوني اليه ......شنو تتوقعوون يعني اكيد بزيد علي ........
ادري الي خلقها مابينساها .......بس اعرف زوجي عنوود واذا تطلقت منه بحاول ان يحرمني من بنتي لان يعرف أي كثر احبها ........وبحاول ينرفزني ابها ......وطبعا بيزوج والي بياخذها اكيد مابتكون احسن منه وبتعذب بنتي لان في الاصل زوجي ماايحب احد علشان بيعتني فيها ........
اني استخرت كم مرة وسويت خيرة عندنا ... ويطلع الي زين وبتعيشين في السعاده اذا تطلقت بس خاايفه اخطي هالخطووه ........
الله يسهل عليج اختي .....ووفقج ....وخلي اليج بنتج وتتعدل اوضااعج .......
وصيرين احسن مني .........
هلا اخوي البعبع اللطيف .........
مشكور اخوي وماتقصر .......اني الحمد لله دائما اذكر ربي ....
ااااخ لقد تعاملت معااه بكل الانووثه وبدوون مااحرج أي شيء في رجوولته ...بس صدقني حتى لو حرجته او طعنته في رجولته مابكون عنده أي اثر لان شخص عديم الاحسااس ............
لا احب ان اقول الى احد عن مايوجد بدااخلي .....بالرغم الي يشووفني مايقول اني مهمومه ودائما الضحه على مرااسم وجهي .....حتى صديقااتي يفكروني احب زوجي وعايشين قصه غراام ...لان عمري ماقلت اليهم عن زوجي أي شيء او عن علاقتي اني ويااه ... وكنت داائما امدح اليهم زوجي .........
ابنتي سااعات من القهر احط حرتي فيها بالرغم ان هي ماليها ذنب في الي صاار ...بس سااعات احس العذااب الي اني فيه هي السبب لو ماحملت منها انجان من زمان تطلقت وكانوا اهلي ويااي ..........
اااااااااااخ وين يحبني كلمه حب لا تنوجد في قاموسه ياريت يحبني حتى لو يحبني ابغي احس بحساس الحب الي فاقدتنه ..........
هلا اخوي Fafi ...........
ان شاء الله ...الله يسمع منك........
ادري ان في المحاكم الشيعه صعب الطلاااق ....بس اهلي مستحيل يلجأون الى محاكم السنيه .......
ومابيرضوون بهذا الشيء........
اني اهدده اني اوديه الشرطه علشاان يقول الى الكل اني قلت اليه هالكلام واصير علج في حلووج الي يسوى والي مايسوى .........
زوجي فتاان الى درجه كبيرة ....كل شيء يصير بيني وبينه امه تعرفه كل شيء ........
ودخل امه في كل الامور ..على قولتهم طفل امه .........
احنا عندنا وحده من اهلنا زوجها مايجيب عيال ..يوم طلبت الطلاق وقالت تبي تطلق علشاان تبي عيال وتحس بالاموومه .... قامت القيامه عليها لان تبي تطلق ...لاكن لو رجال ماقالوا هذا الكلام وقفوا ويااه وقالوا من حقه يصير ابو ....... بس المرأة عندنا حقها ضاايع ........
لو اوديه الشرطه انجاان وله يفكني من السنتهم واولهم اهلي ................
قلت بقول الى الدكتورة ان زوجي مايصرف علينا وله شيء ..بس استحيت اقول اليها ........
قلت اليها اني مااشتهي اكل ... وبنتي بعد .........
أي اكيد بواصل درااستي ومستحيل اتخلى عن حلمي وطمووحي ....
اني الي مصبرني عليه اني ابغي اكمل درااستي واشتغل واعتمد على نفسي ........
وافتك منه .............
مشكورين كلكم على ردودكم وتفااعلكم الجميل ويااي ....
زوجه حزينة
التعديل الأخير تم بواسطة زوجه حزينة ; 19-09-2007 الساعة 03:25 AM