السلام عليكم

حبابيبي شو أخبار كم مع رمضااااااااااان والحر الله يعوضنا بالأجر والثواب ..

حبايبي عندي مشكله وكان ودي أكتبها من زمان لكن متردده لكن اليوم فكرت وقلت لازم أكتبها لعل وعسى

أن أجد الحل من الله ثم منكم أوكي راح أقولكم ..

أن بنت ماني متزوجه ووعمري 16 سنه لكن سبحان الله أنا شوي ثقيله هذا

الشي الكل لاحظه علي يعني ماعندي حركات ،،،الخ المشكله مش فيني في عائلتنا

أنه البنت ماتغطى من عيال خالتها وعيال عمها إلين هو يتزوج وتتغطى منه أو هي تتزوج

أوكي وهذا الشي من زمان ماشيين عليه يعني الولد يوصل عمره عشرين وبنت خالته أو عمته ماتغطى منه

بس بحدود الأدب لكن تقريبا من شهرين كذا في الإجازه جلست مع أختي الكبيره وقالتها إذا سافرنا عند

خالتي راح أتغطى من ولد خالتي وهو عمره تقريبا في العشرين قالت أختي أوكي لكن بعد ماسفرنا

إنعكست السالفه وقالت خالتي لا تتغطوون من ولدي وإعتبروه مثل أخوكم وبصراحه ماقدرت أتكلم ووافقت

على كلامها غصبن عني بس لايروح بالكم بعيد يعني ماتوصل لدرجه أن ولد خالتي يدخل ويجلس ويسولف

لااااااااالا لكن إذا بغى يمر أويطلع عادي مانتغطى والله هالشي ماقدرت أتحمله وفوق هذا كله أن أختي

دائماً

تقولولي شرايك فيه ؟؟ ونفس الشي بنات خالتي الثانيه يقولون أنت تحبينه وهذا الشي عقدني زياده

وخالتي اللي هي أمه لمحت أمي للموضوع لكن مادري شنو ردت أمي لأني سمعتناهم بالصدفه ونفس

الشي خواته دايما يلمحوون لي ؟؟ وصااار الموضوع شي بالنسبه لي لايطاق لدرجه إذا تكلموا فيه أحس

وجهي يتغير أحس أني بجد تعلقت قيه بسبت أهلي وأهله لكن هذا الشي خارج عن طاقتي ؟؟ لكن

بصراحه هو شخص مثل مايقوولون مايتعوض كل المواصفات اللي فيه كل فتاه تتمناه لكن الحين صارت

المشكله ثنتين مشكله أني ماتغطى من عيال خالتي والمشكله الثانيه أني

تعلقت فيه لكن مثل ماقلت لكم اني ماعندي هذي الحركاته لكن أهل هم السبب وفوق هذا كله دايما تصير

لي مواقف معاه لكن المواقف تصير كصدفه لا أكثر ولا أقل وأنا الحمدلله أخاف الله لكن إذا فكرت في موضوع

أني متعلقه فيه أحس أني بمووت قهر لأني عارفه أن نهايه هالشي الزواج وأحس أني توني صغيره على

هالشي وطموحاتي في مستقبلي أكبر من هذالشي ولاما أخير نفسي بين الدراسه وبينه أحس أن

الدراسه أهم لكن الزواج شي راح يصير سوااااا اليوم ولا بعدين والفرصه ماتجي إلا مره وحد قولوا لي؟؟

شنو الحل برايكم ؟؟تخيلو أنفسكم مكاني لاسمح الله وردوا علي ؟؟؟ وأسفه على الإطاله

* تعديل بعض الأخطاء الإملائية .