منتدى عالم الأسرة والمجتمع - عرض مشاركة واحدة

21-09-2007, 04:46 PM

مـالك عالـمي

كبار شخصيات المنتدى

تاريخ التسجيل: Dec 2004

المشاركات: 1,857

شوفي حبيبتي

انا الصراحه في ذا الاجازة سمنت 4 كيلو ومرة ضايق صدري ... لانه رمضان الواحد يسمن من اكل المقالي

لكن انا طبقت طريقة حلوة وتصدقين نقصت كيلوين من بدى رمضان

بقول لك ايش اسوي

اول ما يأذن اكل لي ثلاث تمرات مع كوب قهوة .. واشرب كاس عصير طازج ... بعد كذا لازم امد يدي على اللقيمات .. اخذ ثلاث حبات بعدها طيرااااااااااااااااان لسجادتي علشان ما اكل اكثر

بعد الصلاة اقعد في سجادتي اقرى قرآن لمدة نص ساعه .. بعدين خلاص احس نفسي بموت من الجوع ... اروح اصب لي بادية شوربة واشربها ...

بعدين اروح اصلي التراويح بعدها ارجع مره جوعانه .... اصلح لي اي شي خفيف ... يا خضار على البخار مع صدر دجاجه مشويه او اي شي بس يكون قليل السعرات ويشبع ومفيد

بعد الساعه 12 اكل لي مجموعة فواكة مشكلة ... اي شي اشتهيه ... او اكل زبادي وثلاث تمرات ... بعدين اشرب لي كاسه مويه كبير وانام

هذا نظامي اليومي ... والله اني ما عاد صرت احس بالتخمه لمن اروح اصلي التراويح ولا عاد صرت اتعب في النهار ...

لكن الله حق يوم الاربعاء اكلت اكل الاسبوع كله ... بس مره تعبت ذيك الليله ... يقال لك off day اعطيت نفسي راحتها ... لا حملتها فوق طاقتها ... بس علشان ما احس بالحرمان يعني رمضان طويل 30 يوم لازم افصل بايام اكل اللي اشتهيه والكميه اللي ابيها