انا رايي انه حرام اخلي الطفل ينام على صياااح حرام ما عليج من الي يقولون لك خليه يصيح ويصيح إلى ما ينام

بس اذا كان يبكي كثير حاولي انك ما تخلينه يبكي وقت نومه احس انه حرام طفلك ينام على صياح

وحده من صديقاتي الله يذكرها بالخير كانت دايما تقول حق الي يقولها لا تعلمين ولدك على الحمال: ترد تقول: ................ الله يخلي له امه ان شاء الله دوم جمبه. ما عليك من الي يقولك راح تدللين الولد الطفل محتاج حنان ساعات حمليه وحسسيه بحنانك ..

بس اذا كنتي تبغينه يتعود على انه يكون مكانه بدون حمال..
في ناس يتبعون هالاساليب واتمنى انك تستفيدي منها: يعني اذا صاح الطفل حاولي انك تغفلينه وتعطينه اشياء في يده يلهى بها واذا ما يعرف يمسك انتي مسكيها ومرريها امامه يعني لفتي انتباهه وضحكي له ولعبي معاه وكله واهو مكانه إلى ان يتعود .. او ان الطفل اذا كان شوي اكبر عشان انتي طفلك لسه صغير الله يحفظه ان شاء الله مدري اذا ينتبه حق التلفزيون او لاء انك تشغلي التلفزيون له.. او انك تشتري الالعاب الي تدور الي تتعلق في السرير وتشغلينها له .. او انك تسوي اشياء تضحكه..
.. و خلي راسك جمب راسه ومدي يدك خليه يمسكها حتى لو طولتي حتى يحس بأمان انك جمبه ..وكل شوي حطي لعبه يعني زي حاجه يمسكها في يده يعني وصلي له اني ما راح احملك وراح يفهم شوي شوي انه ماراح ينحمل بس في البدايه اتبعي هالاسلوب وانتي قريبه عشان شوي شوي يتعود .. يعني في البدايه خليك قريبه منه بعد ذلك ليما يتعود انك تبتعدي عنه



وتره على فكره الطفل اكره شي عنده انه يكون منسدح وما يطالع شي إلا السقف!!!!!!!!!!!!!! عارفه قصدي.. يعني انك تخليه في فراشه منسدح وما يشوف احد....... عشان كذه الطفل احيانا يبكي ويبي احد يحمله
حاولي انك تستعملي القعادات حق الاطفال .. اكثرهم الي حق نيو بورن االاطفال حديثي الولاده يعني حتى الي اصغر من ابنك.. زي الي الاجانب يستعملونهم وفي السيارا ت كمان في لها مكان حتى تتسكر في حزام السلامة حق السياره .. يعني يستعمل في السياره والبيت..




ودعواتكم لنا...
اختكم في الله