عزيزتي نايت ..

احس انك تشغلين بالك بامور مو مستاهله ابد .. ما احس ان قريبتك تستاهل كل هاي التفكير بها .. تصرفاتها طفوليه بحته .. وامورها غريبه .. ولا اعتقد بانها مع ابنك عمك سيستمرون مع بعض وان استمروا لن يكون هناك تفاهم من طريقه كلامك عنهم .. كانهم اطفال مش كبار وعلى وجه خطبه او زواج ..

اذا كنتي تشوفين انها مهمه بالنسبه لك .. وانك تبغين ترجعين علاقتكم مثل قبل .. فحاولي معاها مع قعده مصارحه بينكم .. اما اذا تحسين انها ما عاد مهمه ولا هي ولا ولد عمك .. فقللي اتصالاتك بها واتركيها مثل ما تبي .. اذا هم يبغون يكلمون بعض بالتلفون من غير حد ما يدري .. فلا تجعلي نفسك بينهم ولا تفرضي نفسك عليها ..

هي يمكن تشوف نفسها عليك .. بأن هي مرغوبه وعندها حد يحبها وانت لأ .. حسسيها بعدم اهميه هذه الامور بالنسبة لك وانك عندك امور تشغلك اهم .. لازم تكون ثقتك بنفسك قويه .. عشان غيرك يحس فيها .. ترى الثقة بالنفس تبان من الجلسه والمشيه والكلام ..

كل ما شافوك ضعيفه حزينه مهزوزه .. كل ما افرحوا اكثر فيك ..

لا تعطين احد هالفرصه انه يضحك عليك .. او يوصفك انك دخيله بينهم .. اتركيهه ولا تسألين عن تفاصيل حياتها بيني لها انها ما تهمك لا هي ولا خطيبها ولا تهمك تفاصيل حياتهم ابد ..

اذا بتتصلين خلي اتصالاتك بسيطه وعن اسئله سطحيه ولا تتعمقين معاها بالسوالف ولا باموركم الخاصه .. يعني لا اسرار بعد اليوم مع بعضكم البعض ..

خلاص يا نايت .. لازم تعرفين انها بعد هذه التصرفات منها ماعادت تصلح تكون قريبه منك مثل قبل ..

في امان الله ..

__________________