والله يا غلا2005 احترت وش اكتب رد وتعليق لكن خطا من الزوجه تسافر وتترك زوجها اكثر من يومين !

زوجك يبدو لي انه مو مرتاح وراضي معاك وبداخله اشياء كثير حاولي تناقشينه وتسولفين معه خليه يفضفض الي بداخله
وايضا يبدو لي انه انسان حساس جدا جدا ويكتم بداخله ويظهر زعله وغضبه بدو ن كلام بس بالسلوك والافعال مثل ماقلت من تصرفاته وكلامه الي ذكرتيهم !!

ولا تعتقدين ان حالكم كذا عشان ماعندكم اطفال لا والله يسخر لك زوجك ويسعدك معه

فيه ازواج عشره عمر 10 سنين واكثر وفيه وحده 20 سنه وفيه اقل 7 سنوات وبصراحه ح
ياتهم اللهم صلي على محمد ماشاء الله سعيده ومستقره وحب واحترام بينهم
ولدرجه انه مافكر انه يتزوج عليها او هي تطلب الزواج يعني فيه حالات السبب من الزوج مثلك
وفيه السبب من الزوجه إلخ

المهم لا تتعبين نفسك ولا تحاولين تسمحين له يتعود ينام بغرفه وانت بغرفه خطا !

انتِ ماغلطتِ عليه بشيء لكن ابعدي عن اسلوب النقاش والرد عليه خاصه إذا طلب منك شيء
مثل الأوامر يافلانه سوي كذا قولي لبيه وتامر ومايكون خاطرك إلا طيب .. إذا هو مايعجبه انك تردين عليه وتقولين ليه او تعترضين حاولي تخفين من هالناحية عشان ترتاح نفسيته لان كلامك اشعرني انه هو يعاني!

ما اعرف وش انصحك لكن لا تلؤمين نفسك كثير واستعيني بالدعاء ترى كثير ننسى امر الدعاء واهميته بحياتنا وكثير امور تتغير وتتعدل برحمه الله وبفضل الدعاء
اسال الله لكِ السعاده والتوفيق