الله يهديه ويصلح بينكم...
اختي الغاليه....
ساعات الرجل يقفل((يفصل)) نفسيا ووده يكون بروحه وهذي تصير معاي وفجأه مالها اسباب ولا عوارض...
ساعات اجي البيت واتغدى واقيل واطلع او اجابل اللابتوب بحكم تداولي للاسهم بالسوق الامريكي والي يفتح من الساعه5 العصر الى 10 من غير لا اكلم زوجتي بكلمة بس انا مصارحها بهالشي وهي متفهمه لانه مره حصل شد بينا بسبب هالحاله....لاني ساعات انهمك في الشغل ومشاكله فأحب اني ما اتكلم ولا اتناقش بشي لا ينصب غضبي و طفرتي من الشغل عليها.....ومو شرط الشغل مرات خبر عابر من زميل او حادثه حاصله...وساعات اقوم من النوم بهالحاله....ومو بس عليها حتى لما اروح الدوانيه او القهوه الشباب يقولولي ها شفيك قافل اليوم!!!

ما ألتمس العذر بس هذي اشوفها عاديه تصير للرجال لانه حنا مو مثلكم بسرعه نفضفض عن هم او شي مكدرنا لانه لو فضفضنا مرات مانقدر نوصل الصوره كامله......
وخاصه انه زوجك عسكري وانا اصحابي العسكرين ياكثر مايتأففون من مشاكل الشغل وانه قاعده تأثر على
نفسياتهم بالبيت.....
حاولي انج تعطينه المجال يومين لاتروحين لأهلك هذا غلط لانه بيحس انك زعلتي منه بسبب حالته النفسيه ويمكن يكابر.... بس بالبيت يعني حاولي تكونين معاه بالبيت بس بدون اي كلمه او نقاش حتى لايضل التصعيد قائم بينكم.... صدقيني هو بيحس بالذنب وبيصحى من الحاله الي هو فيها....
الله يصلح مابينكم بأسرع وقت ان شاءالله...