على قولك يااختي

اللهم اني صائم
ماكنت اعرف القانون اللي ذكرتيه

حبيت اقول لكم ان الامور الحمدلله تحسنت من ناحية التعامل كثير

حتى لتلك المور ماصارت تعنيني مثل اول ومااهتم بالتفاصيل انه عمل هالشي او ماعمله اهم شي النتيجة النهائية
لانه صار يعبر لي عن مشاعره بصورة اخرى يعني مو مثل اول وسيلة التواصل الوحيدة هي الفراش

صحيح للحين مااجلس معه كثير لكن على الاقل لما يكون معي يكون لطيف
لما يكلمني بالتلفون حتى وهو جاي البيت يتكلم باسلوب حميم يعبر عن شوقه


اتذكر كلام اختي اتكاءة حرف لو كلامك يمكن اختي انك بحاجة للتعويض العاطفي والروحي

معكم حق

وهذا اهم من العلاقة الحميمة لانه هو اللي يظل

سابقا كنت افكر ايام ماكنا انا وزوجي بغرام وهيام انه حتى لو صار شي لزوجي لا قدر الله اثر عليه من هذا الامر فلن اتخلى عنه وكنت اقول الكلام هذا من قلبي ومن عقلي

ماتغير الا لما تغير هو علي وصرت افتقد لمساته وحنانه


لما بدا يرجع
مااقول انه يغدق علي من العواطف

لكن بالنسبة للاول يعتبر فرق كبير احس بحبه لي وتقديره من غير كلام

ماادري هو بس لرمضان لانه مرة يمزح ويقول لي ابشري اول مايجي الفطر نرجع نتهاوش لاني محتاج لك تطبخين لي برمضان


لكني اخاف من النكبات

انقرصت منه كثير

ودي اتفائل بالخير لكن خوفي منه ومن قلباته واني اتحطم كل مرة واحس اني غبية ومغفلة ويقص علي بكلمتين ليستغلني

وللحين هو يقدرني لاني اعمل له اشياء كثيرة
ومدلعته على الاخر يادهينة لا تنكتين

يطلع من البيت تروح بالسلامة ياعمري
يجي على الفجر وانا ملطوعة بروحي اكلم طوف واستقبله الحمدلله على السلامة عساك بس انبسطت

وعاصرة على قلبي لمونة

واحاول ماااركز بتلك الامور كثير يمكن بعد لاننا صايمين رغم انه لما طالت الفترة ولا حتى الصيام منعني من التفكير وكنت باخرب خططي كلها وبالفعل صعدت له ذيك الليلة والشيطان بوجهي لانه لاطعني ونايم وقلت له انا جالسة بروحي مليت البارح متسحر برة واليوم ماشفتك زين انه احتواني رغم انه ماصار شي لكن نهض من نومه وحضني وقال لي صحيح انا تاركك كثير لوحدك وحس على دمه والله يتلعب علي من كلمتين وفشيت على مافيه رغم انه ماصار شي لكني رضيت

الله يعين

ماادري فيه جدوى للكلام من جديد او يغلق الموضوع


تحبون تسئلون عن شي معين للفائدة العامة