مشكورين اخوتي واخواتي على ردودكم
واسمحوا لي ارد على اختي غلا 2005لاخبرها
اني بالفترة الاخيرة كنت وزوجي بنفس الوضع
هو يجلس بالمكتب عنده كمبيوتره وانا عندي كمبيوتري ومازلنا على فكرة
مانتكلم الا لنتهاوش
وطول الوقت تجريح وانتقاد ان قلت له نكتة يقول لي بايخة وسمعها رغم انها تضحك ان قلت له سالفة مهمة اختصري
ان تكلمت بالعادي شعمني
ان فتحت موضوع عاطفي تركني ومشى
لو امشي امامه عارية مايحس
ننام كل واحد بطرف واصلا ماننام مع بعضنا
كنا اصلا نهرب من بعضنا
حتى لما نطلع لاجل العيال وهو يفضل يجلس مع عياله وانا ادور بالسوق بروحي خلاص مابينا اي لغة نتكلمها الا لغة المشاكل
اجل ليش وصلت الا اني اكرهه وماابي منه اي شي مو من قليل يااختي
واللي زاد عليه الفراش
مدري هو انتقام هو اهمال هو كره
اللي صار
الله يرزقك بالعيال والذرية الصالحة ويحفظ لي عيالي وعيالكم قولوا امين
لكن كنت احيانا كثيرا الوم نفسي ليش انجبت منه اش ذنب هالضحايا خصوصا اني كنت افكر بالانفصال واللي يمنعني عيالي
وهو قالها لي مرة ويمكن هذا من الاشياء اللي عملت حاجز بيني وبينه من هواشاتنا انه متحمل يعيش معي لاجل العيال قلت له واش حادك اذا لعيالك لا تتحجج
وانا مو مستعدة اعيش معك لا لاجلك ولا لاجل العيال لان النفس عافتك
طبعا هذه السلسلة من المشاكل كانت بعد ان فاض الكيل
كل يوم مشاكل بمشاكل وجو متوتر والعيال يكسرون خاطري
ولدي الصغير كل شوي يسئلني ضربك بابا
الثاني يجلس على الدرج يتفرج علينا وحنا اثنينا نترادد خصوصا انه مايراعي وجود اطفال وجود الشغالة حنا بسوق حنا بالسيارة
كم مرة كان بيسوي بنا حادث لولا حفظ الله
لحد ماوصل بينا الى طريق مسدود
انا طفشت من هالعيشة وهو بعد يااختي
وماحسيته باقي علي
وانا بعد كنت اتمنى اللحظة اللي افتك منها من هالقفص وافكر اش حادني اتحمله
زين مني اللي تحملته لا بعد ويتفضل علي عايش معي لاجل العيال
وكنت اول ابلع تجريحاته واسكت لكن يو م زودها صرت ارادده واش حجته يمكن يمد يده واترك البيت وتصير فضايح ويتدخل الاهل
يعني الامور كهرباء على بعضها
لكن وصلت لامر اني اقدر اعيش نفسي على كل شي الا العلاقة الحميمة هي الشي الوحيد اللي مااقدر اوفرها لنفسي
وبصراحة خفت من الشيطان
حنا بشر ولعلمك لما اجلس بالبيت اخاف من نفسي اكثر
على الاقل بوقت شغلي الهي واتسلى
لكن صارت ان ظروف عملي ولله الحمد خفيفة وانا اخترت كذا لاجل اتفرغ اكثر لابنائي
لكن مهما تفرغت الشي هذا مايتعوض
لحد ماجيت وكتبت عندكم وانا بداخلي ابي اتطلق لكن مترددة وخايفة لاجل اولادي وخايفة من العواقب ومن التسرع
ومنها لما صرت افضفض لكن كنت افكر وانا اكتب بصوت عالي
وكانت الاسئلة والنصائح وطبعا لانغفل الدعاء الاتكال على رب العالمين اولا واخيرا انه يسبب الاسباب
بديت انا نفسي اتغير
اتغير بحيث اني استمديت طاقة
لانه اللي صار لي اني خلاص ماصار لي طاقة اتحمله وهو متعب ومتعب يعني هو اصلا مايبادر لشي او لاصلاح
وانا صرت مثله هو سلبي اصير سلبية ولهذا البيت كان بينهار
ماحطول عليك لاني اعتقد نحتاج جلسة ثانية
وهالكلام اقوله لك واقوله لنفسي ولكم جميعا ياللي تقرون
فكروا بايجابية
التفكير السلبي يرجعنا للوراء بدون مانتقدم
حتى الكلام المعلب اسمحوا لي استعيني بالدعاء لوحده مو حل لان الدين عمل وليس تواكل
ماحجلس على سجادتي طول اليوم انتحب وابكي وادعي وانا مو جالسة اتصرف واغير وافكر
وبنفس الوقت التفكير بالموت
مرة وحدة نصحتني فكري بعذاب القبر لاجل لا افكر بالرغبة الحميمة
جاني اكتئاب اكثر
اش الواحد يعيش لاجل يموت
عش لدنياك كانك تعيش ابدا وعش لاخرتك وكانك ستموت غدا
ولهذا الله خلقنا وميزنا عن باقي الكائنات بالعمل والعبادة والعقل
مانغفل ان نحرك عقولنا لانقاذ بيوتنا الزوجية
واعتمد على سبب واترك باقي الاسباب
لما افكر فقط اني اكره زوجي واني مااقدر اعمل له هالشي وان نفسي ماتطاوعني اتنازل
وهالشي ايضا لك اخي الرجل
عمره ماشي بيتغير
(ان الله لا يغير مابقوم حتى يغيروا مابانفسهم )
وهذا اللي سعيت له احاول اتغير لكن للان ماوصلت للتوازن وتشوفوني اجي مكتئبة افش خلقي وكثير منكم وعوا اني مضغوطة وابي انفس عن غضبي بعدها اتوازن وارجع اصفي ذهني
اقوم اصلي ركعتين واقرا كم صفحة قران لكن كثير ماكنت انهار وابكي خصوصا وقت الدعاء لاني احس بالغم والهم وكاني بسجن مؤبد كنت احس بالظلم اني اش سويت له ليعاملني كذا
وبنفس الوقت مو طايقته ولا عارفة لي خلاص وين مااطقها عوجة
واخر مرة جربت الاستغفار كوسيلة تنفيس عن التوتر مسكت مسباح وصرت استغفر مااتذكر وصلت لكم لكن حسيت براحة
رغم اني استغفر من قبل لكن هذه المرة عملته لهدف
مو يقولون لما تعصب عد من واحد لعشرة لتتحكم بالغضب
انا قلت بدل مااعد لعشرة خلني استغفر منها ثواب ومنها اعالج التوتر ولقيت انها مفيدة
اتغير لاواكب مرحلة عنق الزجاجة مثل ماتسمى واللي تمر بها معظم البيوت الزوجية خصوصا بعد اكثر من 5 سنوات من الزواج
وانا حياتي معه مرت باكثر من عنق لزجاجة شكل الزجاجة اللي عندي zig zag
والان احاول ان اخرج منها
وانت حتحاولي تخرجي منها
اسمحي لي طولت عليك
لكن ببالي افكار حتى لنفسي لاخرج من عنق الزجاجة
عارفة ليش صرت افكر
لاني طلعت الافكار السلبية من مخي
وبدى مخي يصفى لاحاول انقاذ نفسي ومنها انقاذ بيتي
اخرجي افكارك السلبية ودعينا نفكر معا
التعديل الأخير تم بواسطة خواطر امراة ; 26-09-2007 الساعة 09:02 AM