منتدى عالم الأسرة والمجتمع - عرض مشاركة واحدة - كيف تخلي خطيبتك ما تفكر إلافيك ...؟؟؟

26-09-2007, 01:38 PM

تويتي نايس

عضو نشيط

تاريخ التسجيل: Jul 2007

المشاركات: 173

اخوي محمود

الف مبروك :14:

والله يوفقك

ويتمم لك على خير يارب

بس أنت من متى خاطب؟.. كم صارلك مده ؟

إذا كنت توك من شهر او شهرين بس

ترى الوضع عادي جداً إنها ماترد عليك

او تتجاوب معاك بالكلام الحلو

صدقني تنبسط وتفرح بدخلها لما تسمع هذا الكلام الحلو منك

واكيد انها تبتسم لما تقول لها كلمه حلوه

لكنها تلتزم الصمت من خجلها

بالذات بالبدايه

تكون لسا ماتعودت عليك ..

ماعرفتك زين ..

يمكن يمكن تكون متخوفه منك ..

ومن حياتها الجايه معاك ..

وايش ممكن يصير ..؟

وهذا طبيعي عند اغلب البنات

انا اقول (يمكن) يعني احتمال وارد لكن مو الكل

بس لاني مريت بهذا الشيء

ولما كان خطيبي يقولي كلام حلو ببداية خطوبتنا

اسكت ...

ما ارد الا بكلمتين

تسلم ... و الله يخليك

مع اني بداخلي انبسط

لكن في نفس الوقت كنت استغرب من كلامه الكثير

وكل تفكيري والكلام اللي يدور بخاطري

اقول غريبه .. ايش صاير

معقوله يحبني هالكثر

وبهذه السرعه بعد !!!!!

احس قلبي ينقبض واخاف

كل هذا لأني ماتطمنت متخوفه من المستقبل واللي بيصير

اخوي اقولك تطـمن تطـمن تطـمن تطـمن

بالذات إذا كنت متأكد إنها راضيه ومقتنعه فيك

ومافيه احد غصبها عليك

بس كل اللي عليك تسويه تتقرب منها اكثــر

بتقــولي كيــــــف ؟؟

أنــا أقولـك..

يعني اذا كلمتها اسألها عن أدق تفاصيل يومــها

اعتني فيها..و عاملها مثل البيبي

حبيبتي فطرتي ؟..

تغديتي ؟..

تعشيتي؟

لاتنامي الا وأنتِ ماكله

وصيها على نفسها

وإذا شفتها متضايقه او مو على عادتها اسألها بلطف

ايش فيكِ؟

مين زعلك ؟

ترى اذا تضايقتي انا اتضايق

أنا وأنتِ واحد وما احب اشوفك متضايقه

راحتك تهمني

واذا زعلت منك بيوم من الايام

لا تخليها تنام وبقلبها نقطه زعل منك

عودها تصارحك

قول لها لو زعلتك من غير ما اقصد لاتكتمي بقلبك

قوليلي .. اي شيء يضايقك

وأنا بقولك اي شيء يضايقني

يعني علمها انها تفضفض لك باللي فيها .. وأنت بعد نفس الشيء

وبعد

تقدر تطلب منها تصحيك لشغلك كل يوم

قول لها الوقت اللي تصحى فيها وخليها تصحيك

خبرها إن ودك من اليوم ماتصحى الا على صوتها

وأكد عليها تصحيك

وقولها اذا ماصحيتيني مارح اروح الدوام

ترى بكذا هي ببتعود عليك

وبتتعلق فيك اكثر

بتحس إنها شيء مهم في حياتك

وإنك تبيها تعيش معاك لحظه بلحظه حتى لو كنت بعيد عنها

والله إحساس حلووو

بس أنت شد حيلك ولا تيأس

ترى صحيح إن البنت بطبيعتها عاطفيه وتحب الغزل والدلع

لكنها تتأثر بالمعامله الطيبه (أكثر) من الكلام الحلو لأنها تحس بالصدق فيها اكثر

واذا جاء الكلام الحلو بعد المعامله الحلوه تحس إن الكلام صحيح يعني مو مجرد كلام وبس

ويكون وقعه على قلبها أكبر وبإحساس اجمل

اخوي .. اتمنى إني اكون أفدتك

وأعطيتك شيء ينفعك مثل ماطلبت

بس فيه شيء بخاطري ودي اقوله لك

إن شاء الله ربي يوفق بينك وبين خطيبتك امين

بس نصيحه إذا عودتها على شيء حلو منك

سواء في معاملتك لها .. أو تصرفاتك معها.. وكلامك

لا تتركه أبد .. لأنك اذا تصرفت كذا راح تحس إنك متغيييييييير عليها

وإن هذا مو طبعك اللي عودتها عليه

ولا أنت الشخص اللي حبيتها زمان .. راح تشك في نفسها المسكينه

ويمكن تظن انك مليت منها

اتمنى يكون حرصك على إنها تحبك كثير..

وتتعلق فيك.. وتفكر فيك طول الوقت مثل ما انت كاتب في العنوان

يكون نفس حرصك على إنك تخليها تحبك طول حياتها

يعني لاتعودها على شيء و بعدين تتركه

ولاتزعل مني بس انا اتكلم من الواقع اللي اشوفه و ودي تتجنبه

يعني نصيحه من اخت لاخوها

وعذراً على الاطاله

والله يوفقك

ويرزقك باللي تتمناه

ويحقق مرادك

امين

__________________

التعديل الأخير تم بواسطة تويتي نايس ; 26-09-2007 الساعة 02:08 PM