طبعا تركيا فيها أماكن أكتر بكتير من سورية لكن المصروف أغلى و اللغة ممكن تكون عائق

بالنهاية حسب الفلوس اذا حابين توفروا بأسعار الفنادق و الأكل و المطاعم و التسوق و غيرها فسورية أفضل لكم

انا زرت تركيا و متل ما قال الأخ صاحب الظل الطويل أحلى شي اسطنبول وحدها كافية للسياحة

أما عن الأماكن اللي ممكن تزوريها بسورية

الساحل اذا حابين البحر و الاقامة بمدينة صلنفة أو كسب فيها شقق للايجار أفضل من الإقامة في الساحل لأنه أقل رطوبة و الطقس أبرد كونهما على جبال عالية

و أهم شي بسورية هو العاصمة دمشق و ما فيها من آثار و لا تنسوا تزوروا حارات الشام القديمةو تاكلوا بالمطاعم اللي فيها و اللي هية بيوت عربية حولوها لمطاعم و كفتريات حلوة كتير و أسواق الألبسة رخيصة مقارنة بالدول العربية التانية

المسجد الأموي و سوق الحميدية
قصر العظم
التكية

مصايف دمشق :
بلودان - الزبداني و غيرها
كتير حلوة كمان فيها مناطق حلوة و ترفيهية للاطفال و للكبار

و للآثار و التاريخ
قلعة الحصن قرب مدينة حمص
و معلولا و بصرى الشام في الجنوب
قلعة حلب في مدينة حلب
و ممكن آثار مدينة تدمر

و أي سؤال حول سوربة او تركيا انا حاضرة

__________________
.
.

استودعتك أهلي في سوريا يا من لا تضيع ودائعه