خذي الكلام اللي ما بعده كلام
ما بقولك كلي رمان وقشرة
ولا اشربي موية ورد
ولا كلي هيل وقرفة
ولا تمضمضي ببن وموية

خذي الكلام مني بسبب معرفتي بطبيب اسنان وياما سالته عن هالشي
رائحة الفم طبيبعية جدا
لكنها تتفاوت من ناس الى ناس
عدم تفريش الاسنان قبل النوم هذا من اكبر مسببات رائحة الفم لكنها مسألة مؤقته
يعني تفرشين اسانك قبل النوم فرق كبير عن انك تنامين وهي وسخه
البلاك والجير من اهم اسباب رائحة الفم وهذا للي يلخي رائحة الفم تتفاوت من شخص لآخر
كل ما زادت كمية البلاك والجير زادت رائحة الفم

لكن في حالات مو طبيعية لرائحة الفم
مثل التهاب اللثة او اي تقرحات في الفم تسبب رائحة مو طبيعية .. قوية جدا
وبرضو يمكن يكون عندك مشاكل في المعده ان الرائحة تكون منها

الحل الكامل والمفيد ونصيحتي ما تاخذين غيره
روحي عند طبيبة اسنان وقوليلها عن حالتك
بتكشف على اسنانك وتشوف اذا كان فيه اي جير او بلاك وتسوي له تنظيف
واذا كان فيه تقرحات في الفم بتعطيك غرغرة تشيل التقرحات والإلتهابات
اذا توقفت الرائحه فالحمد لله المشلكلة تكون من الفم ويكون قضيتي عليها لكنك بتستمرين على المطهرات اللي تستعمل عن طريق الغرغرة لعقيم الفم من البكتيريا وهذا شي المفروض يسوونه الناس كلهم
لكن اذا ما توقفت تراجعينها مره ثانيه واحتمال كبير تعطيك مضاد حيوي للمعدة وان سبب الرائحة تكون من المعده وان شاء الله تنتهي مشكلتك