شوفي اللي أقل منك دائماً في كل شي ترتاح نفسك ويهدأ بالك

أدعي دائماً ربك وقولي : اللهم لاتجعل الدنيا أكبر همي ولا مبلغ علمي ولا إلى النار مصيري

إقنعي نفسك في كل مره تفكرين في هذا الموضوع إنه ربي أرحم منك بنفسك

وكاتب لك زواجك متى وكيف راح يكون .

التفكير لا يقدم ولا يأخر بالعكس أنا أشوفه ولأني في مثل حالك يخليني طول وقتي متضايقة

ماأفرح بأي شي حققته حتى لو كان شي كبير لأنه كل تفكيري بشيء محدد وهو الزواج

فكـري يامره بأنه ربما يكون حالك الآن أفضل مليون مره من بكره بعد زواجك

حاولي ماتجلسين لحالك ، اختلطي مع مجتمعك بشكل أكثر

إذا تحبين القراءة أشغلي وقتك فيها

إذا عندك قدرات للكتابة مثلاً أياً كان نوعها شاركي بأي منتدى ترتاحين فيه وأشغلي وقتك فيه

المهم لا تختلين مع نفسك كثير لأنه الوحده تجيب الهم والضيقة والشيطان مايقصر يسودّها أكثر

ويخليك أضعف إنسانة بالدنيا كلها بنظرك ولو جيتي للحقيقة أكيد فيك أشياء تستاهل من ينميها

ويبرزها ويخليك لاهيه فيها لحد مايكتب لك ربي الزواج

ولا تنسيــــن الدعاء والإستغفار وقول لاحول ولا قوة إلا بالله رطبّي لسانك وقلبك فيها

واللهِ تزيح الهموم وتشرح الصدر من غير ماتحسين سبحان الله

لاتستلمين للتفكير يامره وبما عندك الإستعداد وكتبتي عن مشكلتك أكيد بيكون

عندك الإرادة القوية والعزيمة توكلي على ربك وإبدأي من الآن في التغيير

والله يرزقك بما يرضيك في دنياك وآخرتك .