يؤيؤ يؤ مين يقول كذا حيوزة؟!!
لا لا لاعاد تعودينها!
تصدقين بكيتين وكرهتيني في العيد؟!!
شفت آثار موضوعك؟!!
قولي خلاص أتوب!! والا ترى
صدقيني يالغالية كل انسان يتصور ان الشي اللي نقصه هو سبب السعادة اللي يفقدها
لكن صدقيني مو دليل!!
هذا أنتي بنفسك قريتي موضوعات لمشاكل وناس راح يكون عيدهم هم ونكد!
عن نفسي ما راح تصدقين لو قلت لك عيدي قبل أتزوج أحلى من العيد بعد الزواج تصدقين؟!! الله في السنتين الأخيرات! لأن اخوي كبر وصار يفعّل العيد!
أقولك!
كنت هبلا! ازين البيت وأحط بلونات ولوحات وخرابيط وطاولة عليها الشكولاتة والحلا وو
المهم كنت أسعد نفسي!
بس ما أقولك صح يمكن اخواني تفاعلون شوي! شوي مرة بس يعني على الأقل يقولون الله وش هالحركات!!
وكنت ليلة العيد هذي شي خطير!
أنا اللي ابسط نفسي واوسع صدري
مرة قررت أجيب بطاطس مقلي!! والله نسيت وش اللي صار بس الظاهر طلبنا من برا أو سوينا المهم حطينا مأكولات فرايحية هذا ليلة العيد الساعة ثنيتن ونص!!
بس يعني قلت انبسط!!
مسألة اللبس ما أهتم كثير مرة أشتري جديد ومرة مو لازم..
بس أفرح والله صدقيني كنت أفرّح نفسي!
والحمد لله كان بالنسبة لي تغيير مو لازم أصير أسعد الناس بس تغيير
وكنت أحط مكياج وأشخص كني في عرس بصراحة كنت أنبسط!<<< مو قلت هبلا؟!
وفي الفترة الأخيرة كبر أخوي وصار يحط معي حركات وهو ماشاء الله عنده أفكار والحمد لله أهلي صاروا يتفاعلون أكثر أصلا أهلي كثروا وصارت الدعوى حوسة!
المهم أنتي خليكي على اسمك!
وروحي حطي كم فكرة كذا لأهلك! سوي حلى أو مسابقة أو بلونات!!!
وافرحي بعدين ابي أقولك مين قالك انا نفرح بالعيد علشان أزواجنا ياختي الحمد لله ناكل ونشرب ونلبس بدونهم؟!! وش دعوى عاد!!
الله لا يحرمنا الفرح يعني حتى الفرح بيلصقونه فيهم؟!!
يعني المراة ما تفرح الا برجل؟!
الله يعز الحريم مسيكينات <<< حزنتيني على نفسي! هئ هئ هئ>>>>>
أقول انبسطي قبل لا يجي الرجل يخليك عيدك بنبي!
وصدقيني الفرح ما له علاقة لا بزواج ولا بغيره... فيه ناس متنكدة في العيد بدون سبب!!!
وفيه ناس مبسوطة في العيد على الآخر وهموم الدنيا على راسها!
هاه ان شاء الله بتتوبين وتكتبين موضوع عن أفراحي في العيد وتعطيني أفكار أسويها عند أهلي؟!!
ترى أنتظرك!!
تحياتي