بسم الله الرحمن الرحيم والصلاة والسلام على سيدنا محمد وعلى أله وصحبة اجمعين شكرا لكل الاخوة الي شاركوني وردو علي ونصحوني صراحة انا عملت متل مائلتلولي والي تبين لي انو زوجي كان مدايئ من شغلة وئتها ومزوعج كتير منها وتاني يوم حكى معي وعادي واعتذر وئلي اني كنت مدايئ وانا اسف اني حكيتك بهل الطريقة وبالنسبة لموضوع اني شكيت فيه مابعرف ليش اجى ببالي هل الشي لان اول مرة بحكي معي بهل الطريقة وئلت اكيد الواحد مابيتغير إلا اذا كان حدا شاغلو او حدا ماخدو مننا مع انو مافي ولا دليل على هل الشي لا طلعات كتيرة لاسهرات برا البيت موبايلو اربع وعشرين ساعة معي وجنبي الحمدلله بس ليش اجى ببالي هل الشي استغر الله العظيم ان بعض الظن اثم وانا الحمدلله وان شاء الله مارح اخليه لايمل ولا يزعل ولا يزهئ مني وكثير اشياء عم اقرأها بالمنتدى وعم استفيد منها الحركات الحلوة بين الازواج والمفاجأت عندي مجلد كامل كل مايعجبني شي بعملو برنت ووئت بحتاجو بطبقو وشكرا كثير للجميع والله يوفقكم وكل عام وانتم بألف خير وصلي الله على سيدنا محمد سيد الخلق اتم الصلاة والتسليم