بصراحة ياختي بحرينية ولكن اخر حل كتبتيه هو الحل المنطقي وهو اللي كنت بقوله لك..
طبعا مب منطقي انك تنامين انتي وبناتك بالارض مع خواتك وانتي جايه اجازة مدتها شهر يعني الدعوة مب يومين ولا ثلاثة يقضيها الواحد باي شكل وخلاص..
من حقك باجازتك السنوية ترتاحين وتستمتعين مع اهلك وتشوفين زوجك وجت في بالي نفس فكرتك انه بعد انقضاء اجازتك السنوية ورجعتك لديرتك بالسلامة ياخذونها ويستعلمونها وبعد كذا اذا جيتي يومين ثلاثة تقدرين تمشينها بغرفة خواتك وعلى قولتك كلها اربع خمس شهور وترجع لك غرفتك..
والعرسان مارح يضرهم اول شهر ولا شهرين بغرفه وباقي المدة بغرفتين اشوفها عادية مرة وكثيييير عرسان يبدون حياتهم بغرفه وبعدين البيت موجود يعني مو محبوسين يقدرون ينزلون يجلسون معكم يتمشون برا البيت واذا بغو يختلون بنفسهم عندهم غرفتهم يعني ماعندهم اطفال ولا خادمة ولا شي ممكن يمشون وضعهم شهر ولا شهرين فيه غيرهم قعدو سنين عايشين بغرفة في بيت اهل ازواجهم..
واولهم انتي يابحرينيه على مافهمت انك كنتي انتي وبناتك في غرفتين وحمام فقط في بيت اهل زوجك فترة طويلة من الزمن..
ومب معقول بعد انك انتي تتحملين قرار اخوك المفاجئ بتغيير موعد الزواج بصراحة اشوف هو المفروض يتحمل نتيجة القرار والحمدلله عنده غرفة بحمام يعني مو متوهق وماعنده مكان بالمرة..
__________________
التعديل الأخير تم بواسطة البحلة بالنفس ; 15-10-2007 الساعة 04:16 AM