سبحان الله .. صدق في بعض الاهل ينطبق عليهم المثل (بغيته عون طلع فرعون)

يعني الوحدة يوم تتطلق مو كافي اللي فيها؟؟ يعني حياة تنتهي و عالم ينقلب فوق تحت .. و الوحدة ما تحصل حتى اهل يراعونها؟؟!!!

انا هالوضع عشته و شفته يوم اختي اتطلقت و جات مع عيالها تسكن في بيتنا(بيت اهلي قبل ما اتزوج) .. المشكلة اختي ما كانت تشتغل لانها اصلا مو مكملة تعليمها و عيالها صغار و زوجها من يوم طلقها من سنين ما شافت منه فلس لا هي و لا عيالها .. و ابوي و اخواني الشباب ما شاء الله عندهم خير .. بس مع هذا كانوا مضايقينها ماديا و لو طلبت شي هي او عيالها يبدا الكلام و التنغيز من شاكلة (نصرف على عيالنا و لا عيال الاغراب .. و كل واحد يتزوج و عقب يفر عياله علينا نبتلي فيهم ) حتى يوم يعطون خاصة ابوي لازم يكملها بجملة (ما عليه نحن نعتبر عيالج ايتام بنسوي فيهم خير عشان الله يرده في عيالنا) يعني فوق الهم اهانة.. و دايما العذر انهم يتكلمون بحسن نية

احيانا الاهل يعبرون عن خوفهم بطريقة معكوسة .. و ما يراعون ان الحرمة يوم تتطلق تكون حساسة لاي كلمة او همسة او اشارة

شو نقول غير الله يعين و يفرج همومكم و همومنا اجمعين

تحياتي