السلام عليكم اخواتي ...
من زمان نفسي اطرح مشكلتي لاني ما لقيت حل و نفسي حد يكون مر بهالتجربة و يساعدني.

انا عندي توام بنات عمرهم سنتين و 4 شهور قبل ما يصيرو سنتين بديت احاول تنظيفهم من الحفاظ -اجلكم الله- البنت الكبرى كانت استجابتها اسرع للموضوع من الصغرى . قالو لي اتركيها(للصغرى) فترة و بعدين حاولي من جديد معها. تركتها فترة و رجعت تمام.

بس لما بدأو ا ينظفو ا كان في مشكلة بالتبرز يعني اخدوا وقت طويل حتى صاروا يروحو ا عالحمام (أقصد التبرز) و بس البنت الكبيرة صارت تحكي بدي حمام (يعني على تقيل) اما الاصغر فكانت مأساة ما بتحكي و بتسويها على نفسها و هي على هذه الحال للان .
و المشكلى الاكبر انه بعد ما نظفت الاكبر و صارت امورها تمام رجعت الان للتبرز على نفسها و احيانا تتبول ايضا. مع انهم و لله الحمد نظفوا خلال الليل من اولها و ما تغلبت في هذا الموضوع . بس الي مجنني مع انهم يتكلموا بطلاقة و اذكياء -ماشاء الله- و بيفهموا كل شي بس ما بيحكوا حمام لما يكون الموضوع على تقيل -العفو-.

والله الموضوع صار مقرف و محير بنفس الوقت ما اعرف شو اسوي .تعبت نفسيا من الموضوع
بفكر باستشارة طبيبب اطفال او طبيب نفسي...

الله يخليكم اللي عندها اي خبرة في هالموضوع تساعدني و لها جزيل الشكر..