المشاركة الأصلية كتبت بواسطة بنت_الحب

لكن مع هذا اقول .. انتي فكرتي في حالة ريلج؟؟ فكرتي شو احساسه هو؟؟ يوم يحس انه مو قادر يؤدي واجبه معاج و لا يعطيج حقوقج؟؟ حطي نفسج مكانه ريال لا قادر عالعيال و لا قادر على الصرف شو باقي من رجولته؟؟ شو تتريين منه انه يقول؟؟ حطي نفسج مكانه شوي و اتخيلي هو كيف شايف نفسه و مدى احساسه النقص و الضعف قامج
حبيبتي هو ما همه مسألة العيال..هو نفسه يقوللها..يقول انتي شتبين بالعيال ..قولي فايدة من فوايدهم ..قلت له بعبارة بسيطة سند لي في الحياة خاصة لما اكبر ..قال فرضا ماتوا..قلت له اصبر على فقدهم ولبي بيت الحمد ان شاء الله في الجنة..زوجي مو هامه مسألة الاطفال بدليل انه ما حلل من سبع ينين ..فقط قبل شهرين حلل ..بعد طلب والحاح مني ولم اكن احسسه انه لغرض الحمل ..بل استقبل الحبر بنوع من الفرح اننا تطمنا عليه..فقط قلت له عشان يعطونك مقويات
بالنسبة للصرف احنا راتبنا مكفينا..وهو يتهمني اني كثيرة الطلبات والله يشهد ني قلييييلة الطلبيات بس في نقطة هو يكررررررررررررررره عمله بشكل كبير (عسكرية) ويكره المجتمع ككل ما ..يحب الناس ..وقالي الي اليوم ..انا ما عندي اعييييييييييياد ..اذا تبغين تنبسطين روحي عند زميلاتك انبسطي معهم..قلت له انا ابيك انت ما يعوضني احد عنك..قال إلا بيعوضنك ..مو انتي تبغين تنبسطين ..قلت لها انا ابي تعاملني كبشر...قال خلاص اذا ما اعطيك حقوقك روحي بيت اهلك ابرك لك انبسطي هناك



انتي تقولين انج صابره و ما تطلبين منه شي .. الله يجزيج الخير و يكملج بعقلج ... بس في نفس الوقت هذا مو شي مريح لريلج لانه عارف واجباته و عارف احتياجاتج و احتياجات البيت حتى لو ما طلبتيها
احوالنا المالية لا بأس فيها..غير ان اني انه ليس فيها بركة يعني تكفينها لكن ما نقدر نوفر منها شيء للمستقبل

يا حبيبتي و الله ما في اقسى على الريال من ان زوجته او عياله يطلبون منه شي و ما يقدر يجيبه .. البعض يتظاهر بالعصبية او بالبخل او يفتعلون مشكلة مع الزوجة عشان ما يجيبون شي بس في الحقيقة الريال يكون منكسر بس ما يبغي يبين ضعفه
انا نفسي يفتح لي قلبه ..بس هو مشكلة ما يعطييييييييني فرصة..حتى اناقشه ..كل وقته على النــــــــــــت والتلفاز وانا صفر على اليسار (مهمشة جدا) في حياته..


ريلج لو ما يباج ما في اسهل من انه يطلقج و ما بيتريا رايج او موافقتج في لحظه بيطلق . لكنه باقي عليج بس ما بيده شي ..

تدرين اليوم كرررررررها كم مرة (الخيار )..لكن ما خليت له فرصة لما ييقرب ينطق الكلمة ..اجيب سالفة ثانية ما ابغاه ينطقها ابداااااا.. واحس انه مرتاح لخيار الطلاق الله يهديه

و انتي لازم تكونيله عون .. اصبري عليه .. اتخيلي احساسه يوم يقولج بطلقج و اتزوجي واحد ثاني يعطيج حقوقج

تدرين قال هالكلمة وهو مبسوط ..قالها وهو واثق بها ولم يغطي على وجهه هالمرة ..ثم اني زوجي لا يغار كثيرا ..والدلائل واضحة لكن ما يحتاج اشتتكم

.. اكيد هالكلام جرحج بس اتخيي احساسه هو اكيد هو ما قال هالكلام الا لانه حاسس بالنقص و انه مو قادر يعطيج اللي تبغينه و هذا يكسر اي انسان
هو عارف وكثير يقول انه ضعيف شخصيةة وانه انسان تعيس مع انه يشوف نفسه صحح ون كلامه زي القرآن المنزه عن الخطأ..لكن كثيرا ما يقول لي في لحظات الصفاء طبعا ..انا مو واثق من نفسي ..انا تعيس..باختصااار زوجي مريض نفسي



خلج صابرة و الله بيعوضج على صبرج خير ان شاء الله .. بس لا تكونين انتي و الزمن على ريلج ..

هذا اللي اتمناااااه بس نفسي يخلي لي فرصة ويسمعني

كونيله الصدر الحنون اللي يرمي عليه كل همومه .. لو ما كلمج انتي كلميه لا تتناقشون في شي خاصة الحين و الوضع بينكم متازم .. ترى الرياييل ما ييبهم الزعل اساليني انا .. تعاليله بالطيب و بالدلع و لا تحسسينه بنقصه و الاهم لا تحسسينه انج تضحين .. حسسيه انه بالنسبة لج الدنيا و ما فيها و ان وجوده اهم من اي شي ثاني

قلت له كذا لكن ينسى كلامي ..ومستهين جدا بالعمر من زواجنا

اهم من المال و العيال و هذا الصدق .. شو فايدة ان يكون عندج عيال و طلباتج المادية متوفرة بس انتي و ريلج متفارقين او كارهين بعض؟؟
المال والبنوووووووون زينة الحياة الدنيا..وأسال الله ان يجمع لي بين الحسنين ..الزوج المتفهم الحنون والابناء البارين


تحياتي