غلا حبيبتي بدي اقلك كلام بقلبي الك من زمان
اول شي تاكدتي انو ماحد عاملو سحر او عمل ؟؟؟
تاني شي صراحة صراحة ورايي من زمان ومن قراءاتي لمشاكلك
لست ادري شو معيشك معو لهلأ
اولاد مافيه
علاج ومابدو
معاملة بالحسنى مابعاملك
ادنى وابسط حقوقك ماعاطيكي
صبرتي 13 سنة ومل الصبر منك
وفوق هيك
بقلك مابدي اياكي وبدي اطلقك
!!!
اختي انا لست هدامة بيوت لكن انا قلبي عليكي وبصير اتحدث مع زوجي عن مشكلتك وانا كلي قهر
انا بصراحة زوجك بييأس بلاد لاادري قلبك كيف متحمل
الهم والغم هادا الي انتي فيه بيجيب المرض والموت المبكر والاعمار بيد الله
اعرف انك بتحبيه لكن الحب مش كل شي والله
لكن حبيبتي ان الاوان لتفكري
العمر بيضيع وبيمضي مش ببلاش
كل يوم بروح مابرجع بدالوو
وانت ضيعتي 13 سنة وماجنيتي شي
لا مال ولا عيال ولاراحة بال ولاسعادة
لمتى طيب؟؟؟
لازم تصحي وتوقفي مع نفسك
لا يوجد بين الزوجين كرامة اي نعم ولكن هذا وقت تواجد الحب والتضحية
لكن انت هدرتي كرامتك جدا مع زوج بنفسو بيقلك ماااااااابدي اياكي وحلي عني وروحي
وكلامو كلو مابعرف شو اقلك
ارجوكي بترجاكي افهميني
ماقصدي اهد بيتك
ولاعمري قلت لحد او شجعو عالانفصال
لكن انت قلبي وجعني عليكي وكل شي عندك فاق الحد بشكل كبير جداااااااااااااااا
والله راح يجزيكي الجنة عالصبر هادا
انا لو مكانك كان زماااااااااااااااااااااااان ماتحملت ومتت
انت ماشالله عليكي نعم الزوجة والمراة
لكن لامتى
لانو زوجك مش مقدر شي
والعمر بيمر
واكيد انت هلأ عمرك فوق ال30
طيب فرص الانجاب بتقل بهالعمر
والصحة بعد كم سنة بتبدأ تقل
يعني 10 سنين اخرى تقضيها معاه كفيلة بان تقضي على صحتك وفرص انجابك
لييش ماتعملي استخارة وتفكري مع نفسك بشكل جدي جدا
يمكن الله كاتبلك خير مع انسان غيره يعوضك عن كل هالشي
الله كبير ومافي شي بعيد عليه
استخيري وفكري بعقلك واتركي القلب جانبا لانو القلب لو تحكم فينا كل حياتنا بتخرب
فكري مليا وجديا
قد يكون الخير بعيدا عنه
تعب قلبك وصحتك وعقلك وكل شي فيكي
بدون اي سبب
وانت زي العسل وبيعمل هيك بدون ادنى سبب
اختي ارجوكي لاتحرقي قلبي عليكي
فكري واستخيري والي الله بيجيبو الك لاتترددي في اختياره
لانو اكيد الخير الك
صدقيني يمكن الله كاتبلك خير بعيد عنو
انسان حنون وتجيبو اولاد
وتندمي عالعمر الضائع
حبيبتي 13 سنة مفرروض ولادك هلأ في الاعدادي
لااقصد احسرك بس بدي اصحيكي
ولو انو زوجك ممتاز وزوج صالح وطيب ولكن فيه عيب خلقي ومافي علاج
لماقلت لك اتركيه
ولقلت لك اصبري
ولاتتركي زوجا محبا حنونا لم يبخل عليكي يوما بشيئ لاجل الاطفال
بل يجب ان يكون حبك له اقوى من كل المشاعر الاخرى
لكن اقول لك هالكلام لانو مش عشان الخلفة والولادة بشكل اساسي
انما على اسلوبه كله في التعامل
ورفضه للعلاج
وقسوته و حرمانه لك
ارجوكيييي ان تفهمي كلامي
لست هدامة بيوت
لكن اصحي اصحي وفكري واعملي استخارة
واعتزلي الناس شوي
وفكري بكل الي مر
هل يستحق تضيعي سنوات عمرك القادمة معاه؟؟؟؟؟؟؟؟؟؟؟؟؟؟؟؟؟؟؟؟؟
العمر اقصر من ان نضيعه في الهم والغم
الله يسعدك يارب
ويوفقك ويجيبلك الي فيه الخير
وياريت ماالاقي هجوم ويتهموني الاعضاء اني محرضة
لاني لست كذلك ولان كلامي واضح
وانتظر تعليق اختي غلا
والله يخليكي يارب ويسمعنا عن الاخبار الحلوة
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت