معليش ياغلا أنت السبب في سوء حالك مع زوجك !!

أتابع مواضيعك دائما لكن ماأرد لأن نفسيتك تكون تعبانة وماأحب أزيد عليك ...

بس الآن دامك مروقة بقولك وخذيها مني ! زوجك بيرجع لحاله الأولي وأسوء !!!!

والسبب لاعيال ولاشي ! السبب أنتِ وبس !!!

اتركي سالفة عدم الانجاب على جنب وانسيها !!

الحين زوجك مقصر في أداء حقوقك وتشوفينه يقعد عالنت كثير ولافكرتي وش وراه والآن يوم شفتيه يكلم

بنت سكتي !!!!

أنتِ ضعيفة وأجبن من إنك تواجهين زوجك وتطلبين حقوقك بكل قوة ...

وزوجك متسلط ويكره المرأة الضعيفة ...

وهذا طبع الرجال عموما ...

يغلط عليك ويجرحك بالكلام وآخر شي تقولين "أنا آسفة" !!!!!!!!!!!

تحسبين إنك إذا قلتِ كذا بيقدرك ويحترمك وماتدرين إنه يحتقرك من داخله !!!

تدرين ليه زوجك بارد معك ومايشتاقلك إذا رحتِ عند أهلك ؟؟!!

ماعطيتيه فرصة !!!!

الرجال مل من كثر ماتعطينه حنان وحب !! أخذتِ حقك وحقه !!!!

افطمييييييييييه ..

بس وقفي !! لعد تبينين له لهفتك الشديدة عليه أبدا !!

والله ماأدري شقولك ياغلا بس أنتِ يبيلك إعادة تأهيل عشان تفهمين زوجك صح !!

زوجك مل من طريقة تعاملك معه ..

وهالطريقة تنفره تنفر تنفره منك ...

وتزهده فيك ...

يدري إنك دريتِ إنه يغازل ولاقلتِ شي !!

يمكن تعامله الحالي معك مجرد مداراة لك عشان ماتقولين شي عن اللي شفتيه !!

وإذا هدت الأمور وبردت السالفة بيرجع زوجك مثل ماكان ...

اقري أكثر عن الرجل المتسلط وعن المرأة القوية وفيه أستاذة بالامارات لها كلام حلو بهالخصوص

اسمها "ناعمة الهاشمي" سوي بحث قوقل باسمها بين علامات التنصيص واقري كل كلامها وبحثي عن

المنتدى الخاص فيها "بيكون من ضمن نتائج البحث" ..

إذا قريتِ كلامها بتتفتح عيونك على أمور كثيرة وبتفهمين نفسك وبتفهمين زوجك وبتكون حياتك أكثر هدوء

واستقرار بإذن الله ..

أنتِ الآن تعرضين مشكلتك وفيه ناس يردون عليك وتحكمهم عواطفهم وفيه ناس آرائهم خطيرة عليك وفيه

وفيه ...... بس أنتِ في حالتك يبيلك تقرين كلام مختصين وفاهمين الأمور صح وعندهم تجارب وحالات

مماثلة، وبإذن الله بتستفيدين من ناعمة الهاشمي كثير كثير وبتدعين لي ..

الله يصلح حالك ويريك الحق حقا ويرزقك اتباعه ويريك الباطل باطلا ويرزقك اجتنابه ....

واعذريني إذا قسيت عليك بس كله لمصلحتك والله ..