المشاركة الأصلية كتبت بواسطة جنّة الدنيا

معليش ياغلا أنت السبب في سوء حالك مع زوجك !!

أتابع مواضيعك دائما لكن ماأرد لأن نفسيتك تكون تعبانة وماأحب أزيد عليك ...

بس الآن دامك مروقة بقولك وخذيها مني ! زوجك بيرجع لحاله الأولي وأسوء !!!!

والسبب لاعيال ولاشي ! السبب أنتِ وبس !!!

اتركي سالفة عدم الانجاب على جنب وانسيها !!

الحين زوجك مقصر في أداء حقوقك وتشوفينه يقعد عالنت كثير ولافكرتي وش وراه والآن يوم شفتيه يكلم

بنت سكتي !!!!

هو عموما كان عنده سالفة خيانة وقلت لكم عنها قبل 9 شهور تقريبا..ولما واجهته بعد ما كلمتكم..صارت سواااااااااااااااااااااااااااااااالف وقاربنا على الانفصال (لكن صراخة لم يذكر كلمة الطلاق على لسانه زي امس )

لكن زوجي ماهو من النوع اللي يحب المواجهة..ولا تناسبه وهو يعتبر ان نفسه صح 100%

انا سكتت عليه مع اشك انه لسة على علاقة منسجر معهن..لكن لن اوبخه لعلمي بالنتيجة

ثم اني احس انه يخااااااااااااااف مي ولا يبغاني اعرف انه يدري ( لكن سبحان الله المراة عندها حاسة سادسة )

وسبق ان قلت له يا زوجي ونحن في لحظة صفاء..تصدق اني ادري باللي تسووووووووويه حتى لو ما قلت لي..واعرف احيانا وش بتسوي بعدين..وش تفكر فيه..

استغرب وبحلق بعيونه

كييييييييييف؟؟

قلت المرأة عندها حاسة سادسة

المهم قال ..طيب قولي لي مثال

..قلت له..يعني لما مثلا تقول انك ما تبي اكل وانت اصلا تبي اكل ..لما تكلم احد..وقلت له اعرف كللللللللل اللي تكلمهم ..

قال كيف كيف...كأنه اندهش

عاد انا غيرت السااااااالفة

وعلى فكرة انا واجته كلاميا وكتابيا بالمسنجر لما عرفت انه يكلم بنات اجنبيات

لكن اكتشفت ان المواجهة غير مجدية معه



أنتِ ضعيفة وأجبن من إنك تواجهين زوجك وتطلبين حقوقك بكل قوة ...

وزوجك متسلط ويكره المرأة الضعيفة ...
وهذا طبع الرجال عموما ...
زوجي الكلمة ما يتحملها مني..كيف تبغيني اواجهه..هو يعتبر ان النقاش = عناد وفرض رأي عليه
انا اعرف اني غلطانة في اشياء ..لكن لن يتركني الله وسيعطيني على نيتي ..الله اكرم الاكرمين بس تصدقين زوجي احسه غير كل الرجال ..غير اخواني وغير ازواج خواتي
مع انه طيب بس للاسف ما يظهرها لي كثير بس اعرف انه طيب بس ما عنده صبر وفي لحظة قد يضيع حياتنا




يغلط عليك ويجرحك بالكلام وآخر شي تقولين "أنا آسفة" !!!!!!!!!!!
تحسبين إنك إذا قلتِ كذا بيقدرك ويحترمك وماتدرين إنه يحتقرك من داخله !!
لا تصدميني..ما اتوقع..زوجي يبغى اعيش عنده ..بلا مناقشة ..بلا مطالبة بحق..بلا طلبات ..بلا خرجات انا واياه. بس ما اتوقع توصل لللاحتقاااااااااار ..قوية صراحة
عاد تصدقين امس.. لما طلع برة بعد العشاء ..تأخر..فكرت ارسل له رسالة عن حبي له واني ما اقدر استغني عنه ..بس قلت يا بنت اركدي..ولا تظهرين حبك الكثير

وعلى فكرة تراني تعلمت منكم من زمااااااان ان لا اجعله محور حياتي..بس لما اشوفه مهمل حقوقي لاخر درجة و يقاطعني بالايااااااااااااااااااااااام احيانا توصل لعشرة ايام ..لا اتحمل خاصة اني لوحدي بالبيت

لكني قررت وتعلمت منكم ان لا اجعله محور حياتي..لكن صعبة اننا نفترق

وصدقييييييييييني نعمة الهاشمي نفسي ومنى عيني اني اكلمها شخصيا او اقدر اروح لها بس مستحيل اقدر اروح لها هي بعييييييد عني كثييييييير



تدرين ليه زوجك بارد معك ومايشتاقلك إذا رحتِ عند أهلك ؟؟!!
ماعطيتيه فرصة !!!!
الرجال مل من كثر ماتعطينه حنان وحب !! أخذتِ حقك وحقه !!!!
افطمييييييييييه ..
بس وقفي !! لعد تبينين له لهفتك الشديدة عليه أبدا !!

يا اختي جربتها..مرة قعدت عند اهلي شهررررررررررررررررررررين ..ولما جيت استقبلني استقبال قمة في البرووووووود وحسسني انه عادي ما انبسط بجيتي وانا كنت مشتققة واعيش في خيالات كيف يستبقلي واكيد بسوي لي مفاجأت ..الخ...

بالعكس احس كلما اتركه رح يطنش اكثر



زوجك مل من طريقة تعاملك معه ..
زوجي طلبه المتكرر ..عند كل نقاش (بعد اي مشكلة)..يقول لي انا ابغاك تخليني لحالي وانتي ما تبغين ..
انا رح اخليه لحاله بس مو لعشرة ايام..ولا كلام ولا سلام ولا شي

واخر مرة سبب زعله ومقاطعته لي تاااااااااااااااااااااااااافه تااااااااااااافه تااااااااااافه (انه وداني السوق اتقضى للعيد ولقى زحمة وعصب ودعى على الناس وقلت له وش يسوون لك الناس..مساكين يبغون يقضون..الطريق مو لنا لحالنا..) مع انه نزلني ورجع البيت ولما خلص دقيت عليه يجي ياخذني



وهالطريقة تنفره تنفر تنفره منك ...
وتزهده فيك ...
يدري إنك دريتِ إنه يغازل ولاقلتِ شي !!
في المرة الاولى قبل تسع شهور واجهته بالكلام والرسالة..ومن بعدها هو يحسبني اني ما ادي انه ما زال يكلمهم بين فترة واخرى وامس لما دخلت عليه كان مرررررررررررة مرتبك..ومصيره يرجع لي ان شاء الله
وحسبي الله عليهن ونعم الوكيل ان كان قصدهن ابعادي عن زوجي والسيطرة عليه
وعلى فكرة..المرة الاولى لما كان يخون..قلت له ليش تكلم فلانة (طبعا عرفت اسماءهن)
وش تبي فيها ..قصدها سيء ..
ودافع عنها وقال والله انهم طيبين..تحسبيهم زينا..هي قالت بتكلم امها عشان امها طبيبة نساء وتسألها عن حالتنا..اصلا زوجي لا يتكلم ابدا ابدا مع قريب او بعيد عن الاطفال..بس هي قدرت تستدرجه والظاهر انه سألته عن عياله وقال لها ما عنده عيال وبدت السالفة
لكنه مسح ارقامهن من جواله
بس لا زالوا على المسنجر واحاول في لحظات الصفاء بين كل فترة واخرى ادخل عليه اشوف يسولف مع مين
بس انا متأكدة انه لا زال على علاقة مع بعضهن بالمسنجر والله يهديه



يمكن تعامله الحالي معك مجرد مداراة لك عشان ماتقولين شي عن اللي شفتيه !!
لا اتوقع ذلك..

وإذا هدت الأمور وبردت السالفة بيرجع زوجك مثل ماكان ...
صح انا عارفة انه بيرجع ..هو يتعدل شوي بس يرجع لكن انا اهم ما عندي انه يفهم حقوق الزوجة ويطبقها لآنه جاااااهل بالاشياء او بالاصح يعتبرها مالها قيمة في حياتي و لا اهمية
لكن سأل الله العظيم ان يهديه وعمووووما هي ما سأءت علاقتنا بهالشكل إلا بعد ما جاب اللاب توب من حوالي السنتين ..يعني ساءت بدرجة تخليه يفكر بالطلاق



الله يصلح حالك ويريك الحق حقا ويرزقك اتباعه ويريك الباطل باطلا ويرزقك اجتنابه ....

واعذريني إذا قسيت عليك بس كله لمصلحتك والله ..