اختي الغاليه
الله يهديج بس .. بصراحه انتي اللي اتسرعتي يوم تركتي البيت .. و موضوع التدخين هذا كنتي ممكن تعالجينه باسلوب احسن .. لكن انتي عاندتي و للاسف عنادج طاح على راسج

يا حبيبتي اقولج عن تجربه .. الريال اللي يدخن ما يحب حد يلومه على هالموضوع .. بالعكس يعصب و يعاند زياده .. يعني كنتي لازم تبدين التلميح و الكلام الهادي باسلوب لطيف بدون عتاب و لا غضب عشان ما يعصب

الحين يا اختي هو الطاهر ماخذ الاسلوب عناد .. يعني انتي طلعتي من البيت بدون سبب (من وجهة نظره) الحين انتي ردي لو تبين هو ما بيجي ياخذج

نصيحتي لج اتصلي فيه و كلميه بهدوء و اسلوب حلو اتفاهمي معاه على ردتج لبيت مو على موضوع التدخين (خلي موضوع التدخين وقت ثاني يوم ينصلح الحال بينكم) و شوي شوي يوم تحسينه هدا و قدرتوا تتكلمون مع بعض كم مره لو هو ما قال انه بيجي ياخذج انتي قوليله انج اشتقتيله و تبين تردين البيت اطلبي منه يمر عليج

يعني اتنازلي شوي و هدي الامور لانج انتي اللي اتسرعتي من الاول .. و ان شاء الله تقدرون تتفاهمون و توصلون لحل لكل مشاكلكم

تحياتي