اخي الكريم ابغى اذكر لك قصة وحده من قريباتي

قريبتي كانت بنت مدللـه في بيت اهلها ومره دلوعه واهلها مايردون اي طلب لها المهم تقدم لها واحد من عايله مره اغنياء ويلعبون بالفلوس لعب وهم ناس مرره فري وناس مره متفتحين والبنت يوم درت ان وضعهم كذا على طول وافقت واهل الولد قالو ان ولدنا حبيب وانه محترم وانه وانه ... ويمدحون فيه بس مشكلته انه عصبي والبنت قالت معليش انا موافقه
ومن اول يوم بالعرس يوم درا ان معها جوال كاميرا قالها حطيه بدرج السياره وانا بشريلك جهاز مافيه بلوتوث وبدت المشاكل بعد الزواج بفتره بسبب جهاز الجوال هي تبغى جوال فيه بلوتوث وهالخرابيط وزوجها رافض لأنه شكاك ومن جهلها دايم تقوله طلقني وهو يرفض ، ومرت الأيام وحملت وجابت ولد وفتحت الموضوع ثاني مره وقالت ابي جهاز فيه بلوثوث ورفض والبنت دلوعه ماتبي احد يرد طلبها وماتبغى احد يرفع صوته عليها وكانت ترد عليه ( اقــــولك ابي جهاز جوال فيه بلوتوث وابغى البس عبايه ملوونه مثل اخواتك وقريباتك )واعطاها كــــف وضربها وراحت لبيت اهلها وجلست اكثر من شهر وهو يكلمها ويتعذر لأنه يحبها ويموت فيها لدرجة انه وهو يكلمها يتأسف ويجلس يبكي مثل بكاء الطفل وهي رافضه ماتبغى ترجع وبعدها بفتره كسر يده وراح لها وقال شوفي يدي اللي ضربتك فيها كسرتها وانا اسف ابغاك ترجعين واوعدك اني مارفع يدي عليك و و و و ... ورجعت وعقلت ،ورجعت المياه لمجاريها وبعدها بفتره شاف قلوس (ملمع شفايف) بشنطتها وقال وش هذا؟؟ البنت جلست تضحك قالت هذا ملمع قال انا عارف وقال ملمع شفايف وبالفراوله كمان؟؟ ليه ولمين تحطينه؟؟(سبحان الله مايشك الا اللي فيه بلا) البنت جلست تضحك وتقوله وش هالمزح يا.....؟؟قال انا اتكلم جد لمين هذا ؟؟ وعلى طول زعلت وراحت لبيت اهلها وجلست سنه كامله وتبغى الطلاق وحلفت انها ماترجع وبعدها بفتره راحوا لها حريم كبار بالسن يقربون لزوجها واقنعوها انها لازم ترجع لبيت زوجها وعشان الولد مايضيع واعطوها من النصايح واقتنعت بكلامهم والحين ماشاء الله يقولون مره مبسوطه مع زوجهاا
فـ انا عشان كذا اقولك كلم حريم كبار بالسن يقربون لك يروحون ويحاولون يكلمونها ويفهمونها يمكن تقتنع وتغير رأيها مثل هالبنت

جرب منت خسران شي


واسفه على الإطاله