اخوي اول شي الله يهديك ويصلحك يارب

ثاني شي اخوي طول بالك على الوالده صدقني لو ماتحبك ماتقولك هالكلام واكيد هي تعزك معزه غير عن اخوانك عشان كذا تنصحك وصدقني امهاتنا هم كذا مو ماعندهم اسلوب لا والله بس مايبون يتركونا على الشينه .واطلعها من قلبها زي ماهي .

وحتى احنا البنات نعاني من هالشي اكثر منكم لان مو مثلكم طلعاتكم كثيره .. يعني غلطه بسيطه ماتغفرها لك.. لكن احنا نسوي الشي الي يرضيهم وصدقني رضى والدينا يسوا الدنيا ومافيها يعني قبل ماتدخل تنام تسلم على راسها وتقولها تكفين اميمتي ادعيلي وخلك راضيه علي .. وسبحان الله والله مافي احن من قلب الام بالدنيا كلها .. وحاول تقترب منها يمه اذا في شي ناقصك واذا تبين شي وانت خارج يمه تامرين على شي ((عود نفسك واتعود ))وفضي نفسك يوم خذها خارج البيت خلها تشم هواء والله والله راح ترتاح راحه نفسيه مابعدها ...
وانت حاول تصلح من نفسك يعني حاول تصلي صلاتك بوقتها حط منبه واذا راحت عليك نومه وصحيت صلي متى ماقمت ومو كل واحد كامل الكامل الله سبحانه وتعالى وحاول تتصدق ولو بريال بنيه انها تعينك على صلاتك بوقتها وحاول انك تصل رحمك ....... صدقني هالاشياء فيها بركه وتعين الواحد على الصلاح من نفسه .. ولاتنسى اذا انت قريب من مكه مايخالف خذ امك معاك وخذ عمره وسبحان الله سبحان الله وانت اطووف حول بيت الله تحس بروحانيه فضيعه رائعه..

كلنا نتؤنس وكلنا شباب لكن بحدود والي يبي رضى ربه ورضى والدينه ودخول جناته لازم نتنازل ::: ومو كل شاب يعيش حياته يااما ناس طلعت من بيتها تبي الوناسه مارجعت ربي اخذ امانته وماندري كيف خاتمته سيئه والا حسنه

لكن مانطلب من الله الإ ان يعينا ويحسن خواتمنا

لاتستهون اخوي لازم تفكر بحياتك وتصلح منها بقي وقت والله اعطاك نعمه وللحين عايش حاول انك تصلح طريقك

والله يصلحك ويهديك ويحسن خاتمتك

تحيتي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(