بالمقابل فيه أزواج ينحطون عالجرح يبرى ..!
كلهم طيبة وحنية وحبّ، وحتى لو ماكان يحبّ تلاقيه مستحيل يظلم ..
وفيه رجال "وماأكثرهم الآن" من نفس النوعيّة الي ذكرتها أخي الفاضل ...
كلامك حلو ولامس الواقع كثير ، لكن ماقلت الأسباب ولاالدوافع عشان نحاول نحد من هالظاهرة الأليمة ..!!
لو سمحت لي أوجه كلمة للجميع ...
ماأنكر إنه فيه زوجات عاصيات ومشاكسات ومشاكلهم واجد ..
و لو فرضنا إن هالزوجة "في أسوء حالاتها" بتكون ناشز ..!
وش الحلّ ؟؟!
ربي علمنا الحلّ في القرآن ولايخفى على أي عاقل منكم ...
ربي ماقال اضربها عند أهلها وأهنها عشان تتأدب !!!
ماقال احرمها من أولادها عشان تعرف غلطها !!
ماقال اشتمها وسبها عشان تجيك مذعنة طائعة !!!
شريعتنا أرقى من كذا بكثيــــــــــــــر ...!!
الدين المعاملة ..
خيركم خيركم لأهله ...
بعض الأزواج تلاقيهم حافظين أحاديث الرسول "صلى الله عليه وسلم" عند المرأة مثل أساميهم ..!
لكن تطبيق ؟؟! ميـــــــــــح !!!!!!!!
وإذا قلتله قالّك الحريم ناقصات عقل ودين والحريم خلقن من ضلع أعوج و...و...و... !!
طيب ياأخي اللي علمك إنهم خلقن من ضلع أعوج علمك كيف تتعامل معها واللي علمك إنهن ناقصات عقل
ودين أوصاك عليها وأمرك بالرفق والرحمة ....!
هذا من جهة ومن جهة أخرى "وكلامي للزوجات خصوصا" أقولهم أنتم للأسف سبب رئيسي لانتشار
هالظاهرة عندنا ..!!
اقرؤوا عن حقوقكم وتثقفوا فيها !!
تدرين إن لو زوجك ضربك وكسر يدك لك لحق إنك تضربينه وتكسرين يده ؟؟؟!!
ومن كلام الإمام النووي: (أما إن ضربها فأفضى إلى تلف فقد وجب الغرم) ...
صحيح إن هالأنظمة غير "مفعّلة" في كثير من الدول لكن يبقى حقّ لك ومحد يقدر ينازعك فيه لو أخذتيه ..
هذا بالنسبة للضرب وباقي الحقوق لاتخفاكـ "نّ" ..!
قريت اليوم واحد راد في موضوع هنا وكاتب "الرجال ماينعطون وجه" صح إني ضد التعميم لكنه صادق ...
وترى إذا المرأة تنازلت من البداية عن أي شي ولو بسيط من حقوقها بتدخل في متاهات طويلة عريضة ....
خاصة إن القضاء "غالبا" لايقف بصفّ المرأة ...
مشغولة جدا الآن والحديث ذو شجون ولامس الجرح مباشرة ...!!
لي عودة بإذن الله ..