ردا على سؤالك
صديقتي تقص علي قصة أمها , قصة عجيبة حقا
أمها تزوجت رجل يموت فيها وتموت فيه , قعدت معه أكثر من عشر سنوات ماجابت عيال , بعدين جابت ولد وبنت , قالوا الناس من أول يموت فيها وهي ماجابت شي أجل كيف الحين ؟ المهم إنه تزوج عليها بعد ماجابت عيالها فراحت عند أهلها وأصرت على الطلاق , حاول يرجعها عييييت مرة , بعدين تقدم لها واحد ثاني وتزوجته بالرغم من إنه كان معاه زوجة , طلق زوجته الأولى بعد ماجابت أم صديقتي ثلاثة من عيالها , وعاش مع أم صديقتي فترة طويلة لين مات الله يرحمه , يسألونها مرة عيالها ( لها عيال من كل زوج ) من أغلى عندك الأول أو الثاني ؟ قالت صح إن الأول حبيته مرة لكن الأغلى عندي الثاني ( وهم كلهم ميتين الله يرحمهم بس فضلت الثاني على الأول بالرغم من قصة الحب مع الأول )
وكانت أمها دايم تقول لي ( لاتاخذين عشيقك ولا ترجعين لطليقك تراهم مرارة بريقك ) وشكلها قايلته عن تجربة !!
يعني ممكن تحب المرأة لحد الجنون , لكن إن عافته خلاص ممكن يقوم آخر مكانه , وبعض المطلقات كما نعلم كارهات أزواجهن السابقين .
والمسألة كما قلت لاتعشق المرأة اثنان لكن ممكن تنسى واحد لو الثاني عوضها , خاصة وأن الأول في كثير من الأحيان باعها فليش ماتبيعه ؟..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك