أختي تعب! تتعبني حروفك!
أحيانا اتطلب قراء الرد أكثر من مرة خشية ان أكون فهمته على غير وجهه...
اما بالنسبة لردك.. أولا أشكر لك كلماتك الطيبة فقد زادتني شرفا وخففت شيئا من همي
ومسألة الصبر والرضا الحمد لله كلاهما قائم وموجود.. وأسأل الله أن يكون لوجهه
أما مسألة ترك الباب مفتوح فلا أدري!
ربما نفسيتي الآن تفرض علي رأيي وسيتغير ربما!
وأما بالنسبة للمحبة فالقلوب شواهد
قبل الردود اعذروني ترى ما أدري وش اكتب!
احس اني خربطت الين قلت بس
لدرجة اني ما ودي ارجع اقرا ردي اتوقع راح يضيق صدري! عشان كذا راح اخليه زي ما هو وبدون ما اعرف وش قلت!
أختي العام فعلا حسبي الله ونعم الوكيل
غموض السنين مسألة انه يقول كلام زي كذا وتغيره الدنيا هذي شفتها في ناس كثير!
القلوب تتغير!
قد يكون بذنب او خطأ لكن تتغير والتاريخ مليء بمثل هذه القصص...
يمكن منجرح!! على انه ما حصل شي يستحق الموقف بس يمكن!! ادور له عذر!!
مسألة انها سحر قلت كل شي ممكن! بس ما احب اعلق مشاكلي على مثل هالأمور! لأن التهرب عمره ما ينفع أحد!
وبعدين ليكن سحر يعني وش تفرق! تتوقعين راح تنحل المشكلة؟!ماظنتي!
ألف ألف شكر على متابعتك واهتمامك ولا تخليني من دعواتك
ما يهزك جزاك الله الف خير على كلامك وحرصك..
اما مسألة الحوار أبدا هو أصلا ما يناقش!
قال وش رايك في حياتنا؟ طبعا لنا فترة في توتر على شكل فتور!!
يعني كل واحد عايش عالمه لوحده! طبعا هو عايش لعالمه!! ما يجلس في البيت ولا ياكل عندنا ولا ولا ولا....... الخ!! ورغم كذا مقتنع انه حتى انا عايشة عالمي بعيد عنه! يمكن في المريخ وأنا ما أدري!!!
ماني منطقة في المطبخ والا عند الأطفال!!
المهم.. قال وش رايك؟!
قلت ما ادري انا تكلمت كثير ابغى اسمع منك! توقعته بيتكلم في ذات المشاكل..
قال لي انا اشوف ان كل واحد يروح في طريق!!
ظليت فترة ساكتة وبعدين قلت له يعني مافيه حلول أبدا! بالنسبة لي فيه الف حل وحل! بس انت ما لقيت حلول قال ايه مافيه حل!!
قلت له لو حصل انفصال جزئي!! يعني ما يحصل طلاق!
قال الى متى بنظل على هالحال؟!! حل ماهو منطقي!!!!!!!!!
طبعا هالكلمة كانت سكينة انهت كل شي في خاطري!
قلت على سبيل المحاولة والا انا خلاص عفت الدنيا! قلت له والاطفال ما فكرت فيهم؟!
قال الا!!
بصراحة بغيت اقول انت كذاب ما فكرت فيهم!! بس احترمت نفسي!! والا انا عارفة انه ما فكر فيهم ولا اهتم بمصلحتهم!!
وانتهى الحوار!! قمت وبديت اضف اغراضي بس جلست يومين زيادة للترتيب وقلت يمكن اصير اعقل مع اني اكتشفت ان العقل ابتلاء أحيانا!!!
وصار اللي صار!
مشكورة للمرة الألف وتراني في الانتظار