أنا سويت فرد اليوكو وهو حلو ويعطي الشعر لون بني ويصلح للشعر المتوسط الخشونة
وسويت الفرد البروتيني وهو أنعم من اليوكو بس تلفيفه صعب وخاصة للشعر القصير وهو يصلح للشعر الخشن مرة
وفي كل الحالتين أخذت إبر تساقط ( ست إبر, الوحدة منهم ب25 ) بس ناسية اسمهم وعلبتهم مائية عليها كتابات تركواز والظاهر إنهن ثلاث حروف إنجليزية طبعا , واللي استخدموا غيرهن يقولون ماهي زيهن في منع التساقط .
وفيه حاجة للجفاف والخشونة طحت فيها من وقت قريب وبصراحة راااائعة وأخذوها مني المدرسات ويدعون لي بالزواج من يوم استخدموها ( يعني ادعي لي )....أمزح عليك

المهم ياستي الوصفة هي
جرة زيت عافية ( أصغر جرة اللي على شكل ذرة )
وتجيبين نص كاس حلبة مطحونة وتحطينها بالزيت وتخلينها بمكان مكتوم ( حار) لمدة عشر أيام بعدين تفتحينها وتخلينها يومين بالشمس ( وهي مفتوحة ) بعدين تسعملينها , تحطين الزيت على شعرك وتكتمينه بكيس أو قبعة بلاستيك لمدة ساعتين وبعدين تتسبحين وتنظفين شعرك , وبالنسبة للريحة تكون موجودة والزيت على شعرك لكن إذا تسبحتي بالشامبو وتنظفتي تروح وإن شاء الله بتلاحظين التالي
نعومة , لمعان , كثرة وعدم تساقط
استخدميه مرة بالأسبوع وشوفي النتائج

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك