الله يعوض عليك بزوج صالح
لكن مبدئيا
(إن الله لا يغير ما بقوم حتى يغيروا ما بأنفسهم)
انتي مخطئه تماما من ناحية والديك (مثل ما تعاملينهم بكره عيالك يعاملونك بالمثل)
وليس لك اي حق فيما تبادلينهم اياه
وطاعتهم وبرهم ورؤية مصالحهم واجبه عليك ولو كانوا كفار فما بالك بحالك الآن؟
ممكن قاسيين ولكن هذي تكون طريقة تعبيرهم عن الحب
مسألة انهم ما يسألون عنك بالأيام يمكن انتي بنفسك توحين لهم بإيحاءات اني ما ابي احد منكم فيتركونك!
يا عزيزتي ليش ما تكونين انتي لمسة الحنان في البيت؟
ليش ما تكونين انتي الطف وارق واحن وألين قلب في البيت؟
ليش تبادلين الجفاء والقسوه بمثلها؟
سالب وسالب يتنافر ولكن خليكي انتي الشحنه الموجبه في بيت مشحون بالسلبيه وشوفي كيف ما بيستغنون عنك
والله اي احد بيكون تعبان او متضايق بيجي لك انتي ..كلنا نتضايق وندور لقلب حنون نفضفض له
وما احلى لما تدورين لهذا القلب وتجدينه في البيت مو في النت او في خيالك وجالسه تنتظرين وبس
ادفعي السيئه بالحسنه دائما
انا احاااااااااااول والله جاهده ان يكون هذا شعاري في الحياه
انا احب اكسب الناس في صفي بطيب اخلاقي
وليس بالنديه(يعني مثل ما تسوون انا سوي..لا ..احاول اكون احسن منهم)
واحيانا والله افشل لأن تعز علي نفسي..فأبادل سوء الاخلاق بمثله ولكن والله يكون هذا اخر حل واذا تكرر الخطأ من نفس الشخص وبشكل استفزازي كمان..
(والله قبل كم يوم اختي اصغر مني ب3 سنين علت صوتها علي وانا ما سويت لها شي وهي الغلطانه تماما..كنت بأكسر الكمبيوتر على راسها لكن تعوذت بالله من الشيطان وقمت بس قلت لها والله ما امشي لك هذا التصرف..لكن والله فكرت لو بأسوي فيها انتقام واسوي فيها مثل ما سوت بتتنكد عيشتنا وارضي الشيطان..وحسيت من عيونها انها حست بغلطها خصوصا اني ما سويت لها شي ..فصارت هي من نفسها تسوي لي خدمات في البيت وتباشر علي من مصروفها الخاص وكنت محتاجه غرض من المكتبه وجابته لي)
ابدأي بنفسك وكوني حنونه
(عندي اخت جننتنا بعصبيتها...سوت عمليه في اول متوسط وكنا مشتبهين ان فيها سرطان الله يحميها والجميع..وصارت نفسيتها في الحضيض خصوصا ان التحليل تم تسفيره لألمانيا لشدة صعوبته وتمت على هذا الحال سنتين..كانت خلالها ما تطيق امي .وداااااااااايما تتهاوش هي واختي اللي اكبر منها بست سنين...تدفهم تتكلم عليهم وامي متحملتها لأنها مريضه...بس اختي الثانيه لا تتضارب معها تقول لازم تحترمني انا اكبر منها.. وكنت انا متحملتها لأنها مراهقه ..فكنت ادافع عنها اذا احد تعدى عليها وحسستها اني احبها مهما كانت اخلاقها مع مواصلة تعليمي لها ان الحياه اجمل من اني اعصب او اكون عاقه لأمي وانها لا تزال صغيره واخاف عليها من النار لأنها تقريبا ما كانت تصلي...
الحين
والله والله
انها تنوزن بالذهب
تأكدنا انه ورم حميد اللي فيها
وانها سليمه وصرت بمثابة الملجأ لها اذا هي تضايقت وكتبت لي رسايل كلها حب ومشاعر بالعرفان لأني تحملت اخلاقها اللي مش ولابد...
علاقتها بأختي الثانيه مو قويه لأنها ما تفهمتها ..
وامي ما تمر من جنبها الا وتبوسها ..ولا تجلس عند التلفزيون الا وتحط راسها على كتف امي او فخذها ..اذا جت من المدرسه تدور لأمي وتتقهوى وياها ..احيانا تتفاجأ امي منها تجي من آخر البيت بس تبوسها وتروح تكمل دراستها..الحين مافيه اروق ولا اهدى ولا انعم منها ..ماشاء الله لا قوة الا بالله)
فاجئي ابويك بقبلة باره حنونه على جباههم
تشكري للوالده طبيخها وتعبها
وقولي يابويا الله لا يحوجنا لغيرك يالغالي
اخوانك اطلبي منهم خدمات واذا سووها قولي الله يخليكم لي ولا يحرمني منكم(بهذي الطريقه انا كسبت اخوي الكبير )
خواتك اطلبي منهم مساعدتك في المطبخ وقولي اذا خواتي ما ساعدوني اجل مين
وقت الفراغ اخترعي نشاط جماعي(والله بكبري هذا العب مع خواتي سبت احد وانسان حيوان نبات)
امور بسيييييييييييطه ولكن تأثيرها رهيب جدا ولها وقع اكثر من رائع في نفوس البقيه
مثلا جا على بالك شاي قولي مين يحب اسوي له معاي شاي
مثلا انتي حبيتي تاكلين شي من الثلاجه خذي كميه ووزعيها على البقيه ولو ما طلبوا منك قولي اشتهيت تاكلون معاي ما احب كل وحدي
اذكري مواقف ولو وهميه وحسسي ابويك انهم افضل ابوين في العالم
دايخه نوم والله وهذا اللي جا في بالي
اتمنى يارب تكونين استفدتي