مش تحطي في بالك إنه إهمال ،،، بس إنت حطيتي الموضوع الفجر و لسه الناس مش شافت كل المواضيع
يشرفنا يا قمر إننا نشاركك مواضيعك
أما عن الموضوع نفسه
أنا أحب جداً يكون زوجي متفوق ، لأن تفوقه ده فخر ليه و رفعه
مش بيقولوا وراء كل رجل عظيم امرأة عظيمة ؟؟ أكيد كان ليه دور في نجاحه ،، حتى لو كان الدور ده مش حد شافه غيره هو بس ، لكن لما زوجي يكون ناجح و متفوق هبقى كده حسيت إني قدرت أقوم بدوري بشكل جيد
من وجهة نظري إن أسعد لحظة في حياتي إن زوجي يكون متفوق
تعرفي أنا الحمد لله متخرجة و بشتغل ،، و خطيبي بيكمل دراسته نظراً لأن حصلتله عثرات كتيرة في حياته أخرته دراسياً ، لكن هو مازال يحاول إنه يتخطى هذه العثرات
عمره ما اتكلم معايا إن الوضع ده مدايقه أو مش فارق معاه ،، لكن بالنسبالي لما كنت بسمعها من الناس كنت ببقى مدايقه جداً ،، لأني نفسي فعلاً يكون أحسن مني ،، مش أحسن مني بس .. يكون أحسن واحد في الدنيا كلها
و لما كنت بعرف إنه نجح ببقى طايره من الفرحة و ببقى نفسي أقول للدنيا كلها
موضوعك جميل ، و إحساسك و مشاعرك (الله أكبر عليك) أجمل
ربنا يسعدك مع خطيبك و يهنيكم ببعض و يكفيكم شر الإنس و الجن