انا بصراحة ماني طبيبة ولا عندي خبرة لكن كذا مرة تصير لي مشاكل في المنطقه الحساسه وكل طبيبة نسا تكشف علي اسألها عن تنظيف المنطقه تقولي موية وبس واهم شي التنشيف الجيد والملابس الداخليه القطنية..

ولمن تزوجت وسافرت ماقدرت اكتفي بالمويه وماجبت الغسول معاي على اساس نصيحة الطبيبة اني ما احتاجه فبديت اغسل بصابون عادي كل ما اتحمم اول مارجعت من السفر كشفت علي الطبيبه وحصلت فطريات وقلتلها اني استعملت صابون وقالت كم مرة نفهمك المنطقه هذي تنظف نفسها بنفسها ربي خلقها وفيها بكتيريا نافعه تنظفها يكفي تغسلينها بالمويه وتنشفينها كويس هذا اهم شي لان البيئه الرطبة ممتازة لتكاثر الفطريات اما الصابون يقتل البكتيريا النافعه عشان كذا صار عندك فطريات على طول..

قلتلها طيب والغسول قالت ما تحتاجينه بس اذا حابه تستخدمينه مو اكثر من مرة بالاسبوع وكررت علي اكثر من مرة غسلي بالمويه ونشفي كويس وخلاص..

بالنسبه لتراكم المادة البيضا اتوقع الرشاش حق الحمام او الشطاف رشي على المنطقه كاملة ورح تنزل الرواسب بصراحه انا حابه احذرك هالمنطقه حساسه جدا وابسط جرح ممكن يسبب لك التهابات والام وعذاب ماله اول ولا اخر صديقتي مجرد طلعت لها حبة وحكتها بالغلط وطلع لها خراج ودمل واخذت اجازة اسبوع من الدوام تقول اصيح من الالم لين ما راح..

يعني ماشوف ان طريقتك بفتح ورفع الجلد جيدة اتوقع رح تلتهب يوم من الايام لان تكوين هالمنطقه مو زي اي عضو بالجسم حسااااسه مرة وربي ما جعلها تعقم نفسها بنفسها عبث سبحان الله لانها حساسه وممكن تلتهب وتتجرثم بسرعه..

ارجع اقولك انا مو طبيبه بس عطيتيك مفاهيمي بعد عدة زيارات لطبيبة النسا والكم الهائل اللي اسمعه من مشاكل المنطقه الحساسه يعني حبة او جرح او اي شي بسيط يسبب لك مشاكل عميقة فحذاري..

__________________