|
المشاركة الأصلية كتبت بواسطة أم وداد
السلام عليكم ورحمة الله وبركاته ...
انا ولدت من سبع شهور الحمدلله ..
ونقصت من وزني اكثر من 100%... يعني صرت اضعف من قبل الزواج والحمل .. والله بدون مبالغه ..
بقولكم كيف..
وانا حامل كنت كل الي اكله قليل الدسم ولا مقشود.. سواء حليب ولا غيره .. ماجوع ولا شي... بس اكلي كله مفيد ..
وبعد الولادة .. اشرب اعشاب.. ينسون وبابونج وشاي اخضر وزعتر .. يعني كل الاشياء الي ماتضر بنتي.. لاني ارضعها طبيعي... والرضاعه الطبيعيه طبعا لها دور كبير..
اشرب حليب ابيض بدون شاي ولا قهوة .. مقشود .. ولا قليل الدسم ..
روب(زبادي) بالليل خالية الدسم من نادك .. طعمها لذيذ حتى وهي خالية الدسم
جبن ابيض.. قليل الدسم
توست اسمر..
عيش(ارز) على البخار.. والله مع الوقت كل الاكل الي ذكرته يصير لذيذ..
واذا اشتهيت شي ماحرم نفسي منه .. لكن مانفجع عليه ..
اشرب ماء بكثرة ... عشان انظف جسمي.. واصفيه ..
وطبعا الماء ماشربه خلال الاكل.. قبل الاكل وبعده بنص ساعه ..
الصبح اشرب خميرة البيرة .. على الريق وبعدها بنص ساعه ابدا اكل..
اشرب زيت الاوميجا.. لانه يسد الشهيه ومفيد ..
هذا كل الي اتذكره الحين .. واذا اتذكرت شي بعدين .. بكتبه ..
وصح امارس الرياضه .. على طول من بعد الاربعين .. لكن قبل فترة خلص اشتراكي بالنادي ولازم اجدده ..
والحمدلله جسمي حلوو صار.. ورشيقه وان شاء الله اظل على هالحال دايم .. والي يشوفني يقول اني اصغر من يوم كنت بنت ..
ان شاء الله كلنا نضعف وانصير نفس مانبي يارب..
جل تقديري
"أم وداد"
|