منتدى عالم الأسرة والمجتمع - عرض مشاركة واحدة

29-10-2007, 03:04 PM

#12

مشاعر مرهفه

قلم مبدع

تاريخ التسجيل: Mar 2005

المشاركات: 1,063

ضحكت على كل التعديلااااات حق المشرفه على كلامي ..

شكلي أخذت راحتي مررررره بالكلام وأنا أكتب .. فكرت نفسي بجلسه خخخخخخخخخخخخ ..

علي العمووم ردا على سؤالك يافيافي ..

والله ما ادري ايش اقولك ..

انتي مو تقولين سويتي تقشير كيمائي ???

بالنسبه لي الدكتوره حقتي منعتني وقت العلاج حتى من التقشير العادي والمنزلي ..

فمابالك بالتقشير الكيميائي أيا كانت درجته ..

عن تجربه .. من اول اسبوع في تناول العلاج البشره ماتكوووووون متحمله اي شئ من كثر جفافها ..

أنا كنت ما اقدر المس وجهي من الالم ..

كنت بمجرد اغسله او احط عليه كريم مرطب احس بشرة وجهي بتتقطع ..

وتصدقين إني كنت وقت ما اصحى من النووووم .. القى على وذراعي واكتافي تسلخات بسبب احتكاك الجلد بفرشة السرير ..

العلاج مرررره قوووي عشان الدكاتره هنا يمنعوا عمل أي شئ للبشره في نفس وقت العلاج او تباعا ..

لكن انتي براحتك .. واكيد دكتورتك فاهمه عملها ..

ونصيحه اخرى اذا كانت مشكلة حب الشباب عندك ماهي مزمنه ..

او الحبوب ماهي من النوع اللي تترك اثار شديده او تحفرات في الوجه لاتجربيه ..

لأن اشوف شعري كيف صارت حالته الحين ..

وكيف أنه وبسبب العلاج هذا صااااااااااار يتساقط بشده طوال الثمانيه الشهور الاخيره هذه ..

ازعل علي نفسي مررررررررررررره ..

صلحت شئ وخربت شئ ثااااااني

.. الله يعيييييين ..