حبيبتي انا حديثة عهد
لكن خبيرة
حيث ماعنا خدامة في بيت اهلي ومن زمان انا وخواتي متعلمين شغل البيت :::

اقلك شو بعمل :::::
1-الحمام الله يعزك ::: انظفو تنظيفة كبيرة مرة او اتنين بالاسبوع وهية تشمل الحيطان والبانيو والارضية وكل اجزاء الحمام واستخدم في جلي اخضر للتنظيف كتير حلو بجنن مابعرف اسمو لكن في قسم التنظيفات
واستخدم الديتول وداك المطهر طبعا
والمع المراية

اما الايام الاخرى تنظيفات سريعة يعني الحوض والتواليت وشطفة سريعة

2-الموكيت :::كل فترة افرشيه ب فانيش للسجاد
3-الكنب ولامرة غسلتو او نظفتو بالصابون لسة لانو نظيف ومابيجو عنا ناس كتير هههه

لكن اتكو دايما بالمنشفة واشيل عنو الغبرة

4- البيت والغرف كون انا بس اثنان ونظاف وماعنا اطفال اكنس البيت مرة بالاسبوع بالمكنسة الكهربا لانو بيتنا كلو موكيت والمع كل شي يعني الابواب والسرير والمرايا والتسريحةوووو .....الخ
ولو خلال الاسبوع لاحظت وساخة زيادة انظف مرة اخرى او استعمل اللمامة بتعرفيها؟؟؟

5-المطبخ الطبخ والجلي كل يوم غالبا لكن احيانا مااطبخ وارياح راسي بالجاهز
وعموما البوتاجاز تنظيف دايما من برة لكن التنظيف العميق يعني العيون مرة بالاسبوع او ازا حسيته وسخ كتير
لكن اكتر من مرة ماراح تحتاجي ازا حافظتي عليه اما الفرن حسب الطبخ جواه والوساخة
واحط عالبوتاجاز فويل بيبر(قصدير)ماعدا العيون بحافظ عليه

6-هناك اشياء دورية متل الشبابيك مش كل يوم يعني عالعيد ورمضان او كل فترة حسب الوساخة
او مثلا فرشاية الموكيت

مممممممم شو كمان؟؟؟

البلكونة اشطفها بالاسبوع مرة او اكثر

الغسيل طبعا حسب الطلب والحاجة

وقولي الله يعيني لانو المدينة الي انا فيها غبرتها فظيييييييييييعة لانها جبيلة

حاليا اسكر كل الشبابيك فقط اهوي واقفل لانو الجو برد
وحماية من الغبرة
ومع هيك طبقات الغبرة لاادري من اين تاتي

اتمنى اكون افدتكو فانا خبيرة و ست بيت

واي سؤال تفضلووووو

__________________