دموع الرجل ابدا مو عيب و لا دليل على ضعف شخصيته .. الا طبعا لو كانت في مواقف تافهه او كانت الدموع بدون سبب .. مثل ما يقولون عالفاضي و المليان

انا زوجي شفت دموعه كم مره .. يعني مثلا يوم يتكلم عن عمي (ابوه) الله يرحمه لازم يدمع .. و اول زواجنا بعد حملت بس الله ما كتبلي ان الحمل يستمر و سقطت بعد ما عرفت اني حامل باسبوع فاكر يوم طلعت من المستشفى اول ليله كنت خلاص متحطمه و بمووووووووووووووووت من الصياح و انا في حضنه فهو بعد دمع ... و احيانا مثل ما صار وياك نكون نطالع الاخبار او برامج سياسية (و ريلي من هواة هالبرامج) احيانا بعض الاخبار او المشاهد تخليه يدمع خاصة اللي فيها اطفال او كبار السن
يوم اشوف دموع زوجي ما اعتبرها ضعف في شخصيته بالعكس احترمه اكثر و اطمن انه مو واحد جاف او قاسي و انه بيحس فيني و يقدر ضعفي

تحياتي