الى الدكتورة بنت النيل ضروري
السلام عليكم ورحمة الله وبركاته
كيف حالك بنت النيل؟
اتمنى انك تساعديني في اقرب وقت
راح اكتبلك مشكلتي كلها مع الدورة الشهرية عشان تقدري تساعديني
انا غير متزوجه وعمري 23 من اول ماجاتني الدورة الشهريه وانا عمري 13 سنة وانا من هديك الايام الدورة ملخبطة عندي
يعني يا اما تيجي شهر وتغيب شهرين او انه تيجي شهر وتجلس لمدة 20 يوم وتكون عبارة عن نزييف واحيانا تختفي لمدة 5 شهوور وترجع وقبل 3 سنين تقريبا رحت لدكتورة وقالتلي انه عندي كسل في المبيض واعطتني ادوية تنظملي الدورة الشهريه اسمها"بروجيلتون" وااستعملتها لمدة 6 شهور وانتظمت يعدها الدوره كم شهر ورجعت تاني ملخبطة ورحت بعدها يمكن ل 3 دكتورات واعطوني نفس الدوا وبرضو كما هي تنتظم فتره وترجع تتلخبط يا اما ماتيجي مرره يا اما نزيف واخر مره رحت لدكتورة قبل 8 شهور تقريبا وعملتلي تحاليل على الهرمونات وقالت ماعندك اي مشكله بالهرمونات بس عندك تكيسات بالمبيض وهيا الي ملخبطتلك الدوره الشهريه واعطتني برضو دوا ينظم الدورة واستعملتو لمدة 3 شهور وانتظمت الدورة شهرين كدا وبعدها ماجاتني الدورة الى الان ليا 3 شهور والدورة ماجاتني وبصراحه محتارة اروح للدكتورة ولا خلاص اجلس كدا
بعض صديقاتي يقولو انو الادويه هادي ممكن تؤدي الى العقم لمن اتزوج احسن افضل كدا وبعضهم يقولو انو الدورة لمن تكون محبوسه ممكن يجيني سرطاان والله محتارة يا دكتورة انا مره خايفه ونفسيتي سيئة الله يخليكي ساعديني بأسرع وقت انا تعبت من كتر ما اروح للطبيبات اش رأيك ؟؟