أنت تحس نفسك محطّم بسبب أبوك ؟؟!!

ترى إن سمحت لنفس تفكر بهالتفكير بتخرب أشياء كثيرة على نفسك ..

وبيأثر هذا على شخصيتك في تعاملك مع أبوك تعاملك مع زوجتك مع عيالك مستقبلا إن شاء الله ...

قدر موقف أبوك ولاتكرر نفس غلطه، أنت متأكد إنه ماكان يقصد إنه يضرك كان يفكر إن هذا بينفعك ويعلمك كيف تحافظ على قرشك لكن على قولك أي شي يزيد عن حده ينقلب ضده ..

كونك كتبت مشكلتك هنا فهذا نصف العلاج والنصف الثاني ،، ياأخي قدّر نفسك !! أنت انسان طموح جدا وباين عليك عصامي ماشاءالله وأكبر دليل وضعك الحالي، احمد ربك إن نتيجة فعل أبوك صارت ايجابية مو سلبية !!

غيرك يتحطم وتلاقيه قاعد بغرفته ولايطلع من البيت عشان لايشوفون سيارتي العادية ووضعي الأقل منهم و....و....و.... !!!

وأنت ماشاءالله عليك تغلبت على كل هذا وقلبت وضعك 180درجة ...

تبي تحس بلذة المال ؟؟!! ليه ياأخي ؟؟!!!

هذي وسيلة وليست غاية ...

أحس بلذة المال عشان أحافظ عليه ولاأصرفه في غير مكانه ، عشان لاأبذر لاأسرف ..!

ولاالفلوس وصخ دنيا تروح وتجي ولذّتها زائلة ..

لايكون هذا هو طموحك !! خلّك وسط ، لاتقتر على نفسك التفتير مذموم، ولاتبذر لأن المبذرين اخوان الشياطين ..

وإذا ودّك تحس بقيمة المال ! عندي لك طريقة وماراح تندم عليها وبتنفعك بإذن الله ..

أسأل عن البيوت الفقيرة بأحياء الجنوب "إذا كنت بالرياض" ورح لهم شف حالهم وعط صاحب البيت بيده 500 ، شف كيف بيفرح فيها وبيرفع يده للسما يدعيلك من كل قلبه ..

ساعتها بتحس بقيمة المال ... وبتقول ياااااااااااارب جعلي ماأتمناه ...