يا شوبارد .. انتي ليش مصره تعيشين بقلق ..

يا حبيبتي لازم تعرفين ان كل هاي الكلام لانك باول الطريق معاهم ..

وانتي لازم تفرحين لما تحسين انه ام زوجك تبغي تقوي علاقتها بك ..

حتى زوجك بيفرح لما يشوفك صرتي عادي مع امه واخواته ..

صدقيني انه حتى علاقتك بزوجك بتتغير وبتصير اكثر قرب وراحه ..

انتي يا شوبارد طيبه وقلبك صافي .. خليكي معاها على طبيعتك لا تتصنعين ابد ..

سولفي معاهم واضحكي وخلي زيارتك لهم فيها مرح وخفه ..

خليها امك الثانيه .. لما تقولك شىء مثلا ما يعجبك تخيلي انه امك اللي قالته لك .. واتصرفي على اساسه ..

يعني مثلا .. انا ام زوجي .. تطب علينا بالبيت كذا فجأه على غدا على فطور .. واكون انا مو عامله حسابها .. تشوفيني اول دقايق اكون متفاجأه وارتبك .. وبعدين على طول اتخيلها امي اللي جات وطبت علينا كذا .. وش بيكون موقفي ..

والله انه اشيل الصحن من قدامي واحطه قدامها .. واقوم من كرسي واقعدها عليه ..

اذا زالت الحواجز اللي بينكم .. بيكون في مصلحتك انتي مش في مصلحه اي حد ثاني .. صدقيني

الله يبارك لك ويوفقك يارب