تعالي اتعشي
السلام عليكم ورحمة الله و بركاته
صباح الخير
اتيت لاكتب لكم لاني مقهورة جدا
ولم انم الا متأخر من قهرتي
انا في غربة وكلكم تعرفو
النا جيران ... كونا معهم علاقات وهما جدا مبسوطين فيها لانو عندهم بنات من سني
وبيشعرو بالملل
المهم
انا لااريد ان اقول مااقول لامن او اشوف حالي او امدح لاوالله لكن لأوضح لكن مدى السوء والقهر الي اشعر به
من يوم متعرفت فيهم وانا طيبة جدا
ازا طولو وماسالو عني ابادر انا واعذرهم لانو كلهم يشتغلو ويدرسو
واذا زرناهم انا وزوجي لمناسبة خاصة بهم نحضر اجمل شي معنا
كنت احب ان اشعر انهم مثل اهلي
وهما حرام يحبوني فعلا ومبسوطين معي
سافر الاهل في الصيف وبقيت البنات وحدهم ووصوني عليهم
فصرت اسال عنهم
ازورهم اسليهم
اطبخ لهم من احسن طبخنا وانزل الاكل لهم
واساعدهم في كل شيئ
متل الاخت لهم
ولما رجع الاهل من السفر شكروني وقالو كتير البنات انبسطو منك
يعني الوضع جيد
المهم قبل فترة صدر موقف جابلي الجلطة لكن طنشتو : كان الاب والام وهم في سن اهلي يريدون زيارتنا في العيد
الاصول تقول ان تكلمني الام صح اني في سن بناتها لكن انا زوجة وست بيت مثلي مثلها
ومفروض تحترمني
وتكلمني من راسها لراسي
ولاعشاني قد بناتها يعني مالي قيمة؟؟؟
الي صار انها قال بنتهم الصغيرة الي في الجامعة بعتتلي مسج لتقلي اهلي بدهم يجو عليكي !!! مش تتصل
لا مسج كمان
انقهرنا انا وزوجي وبلعناها
لاننا نتعامل معهم بكل ادب واحترام ومع ذلك زوجي لما يريد شيئ يكلم الرجل بخصوص الزيارة مثلا
مش ببعتني انا لابعت مسج!!!
المهم الي صار وقض مضجعي فعلا وقهرني امس نزلت عندهم وكنت جالسة مع البنت الاكبر مني عمرها 25 سنة
كنت الدنيا ليل ولسة جاية الي ساعة وناوية اقوم مشان زوجي
الا جاي ابنهم الصغير يقول لاختو : (فلانة تعالي تعشي )
!!!
شو تطريدة؟؟
ولااتفضل من غير مطرود
ولااحراج
ولاشو؟؟؟ دمعت عيوني وانحرجت جدا والبنت قالت تعالي البسي وتعشي معنا قصدها احط عراسي يعني
قلتلها لا شكرا
وسحبت حالي ورحت
!!!
ولما قلت لزوجي انجن وقلي ماتنزلي مرة تانية شو قلة الذوق هاي
يعني صراحة الي كان مفروض يصير ذوق انو اذا فعلا خايفين عبنتهم وبدهم يعشوها تيجي الام تقول لي
تعالي تعشي معنا ...
وانا ماكنت حرضا اكيد بخجل
والذوق الي فعلا كان مفروض يصير
انو اصلا ماينادوها ... يعني كلو عشا عادي لادبحو خروف ولاشي وخايفين عليه
كان مفروض ماينادوها ويكون عندهم ذوق ولما اروح والله تتعشا
انا مفروض قاعدة ضيفة ويحترموني ماقامت الدنيا ولاقعدت يعني لما بنتهم تتعشا بعدين
!!!!!!!
والله تنكدت جدا واتوقع هالتصرف من امهم لانها كويسة صح لكن قوية
ازا كان بنتهم مرة بتقلي انا بحب ماما اكتر من بابا بقلها ليش
بتقلي ماما شريرة وقوية
بس بابا حنون وطيب اكتر !!!!
ويعني غير هيك مرة كنت عندهم وكان زوجي مسافر وزي المسكينة لحالي والدنيا مغرب
وهما يومها الي عزموني انزل
واجا اصحاب زوجها والام صارت متوترة ومعصبة يعني كل الامهات هيك لما يجو ضيوف
احنا كنا قاعدين في غرفة البنات
كل شوي تيجي وتسرخ وتقول يافلانة قوي اعملي شاي يافلانة اعمل قهوة
طيب يمكن تعتبرني متل بناتها لكن تقعد تسرخ وانا قاعدة كانها بتقلي قومي روحي؟؟؟
انا لااقول انها تكرهني حرام بحبوني جدا والام كذلك دايما بتقلي تعالي عنا وتعالي عنا
لكن شو هالتصرفات
كلو كان مبلوع عندي الا موقف امبارح الخاص بالعشا
قلة ذوووووووووووق
والانسان بشعر بالغباء لما يكون طيب هيك
يعني انا مابعملها وحدة بوحدة وبسال عنهم اكتر
وبخدم بناتها و وكل مااشتري شي بقلهم من وين عشان ازا احتاجو متلو
واذا قعدنا نحكي عن الميك اب اقلهم كل شي لاني عندي خبرة
و اذا شريت شي حلو من السوق اوريهم اياه
لكن انا كل يوم بكتشف انو الطيبة هالايام هيك اخرتها
او بالاحرى الاختلاط بالناس مابيجيب الا البلاوي
خليني قاعدة في بيتي وساكتة احسن
انا و زوجي كنا قاعدين بالليل وكل واحد مكتئب من شي
انا مكتئبة من طيبتي وتصرفات الجيران
وهوة مكتئب من طيبتو ومساعدتو لاصحابو بالعمل وانو بالاخر تقابل بالسيئ
بالاخر نمنا طبعا زوجي نام عطول
انا مانمت الا وين و وين
مع اني جدا متعبة واحتاج للراحة والله فوق ماتتصورو والي يومين مابكتب شي بالمنتدى
شو اقول؟مابعرف
واتسائل واستغرب
يعني مابتخيل انو انا او اهلي او زوجي او اهلو ممكن نعمل موقف زي هيك باي حد
يعني بستغرب
هوة احنا عايشين بدنيا وهما بدنيا اخرى؟؟؟
يعني ليش احنا كويسين وطيبين وبنفهم بالاصول وبشوف تصرفات غريبة من الناس
صراحة بقول شو صار بالدنيا وبحياتهم ليطلعو يتصرفو هيك تصرفات
انو غريب
مابتخيل عمري اعمل هيك
بسال شادي بقلو متخيل انت تكون البنت عندي تروح حاكيلي يا(...) تعالي تغدي !!!
راح هيك انصدم وكانو دلقت دلو ماء بارد وقال اعوذ بالله انا اعمل هيك ياساتر؟؟؟
يعني ليش احنا عارفين الاصول والذوق
والله بيت اهلي انو مابلقى متلو
ناس اكابر واصول و ذوق وترباية وطلعونا احسن ناس
تربينا احسن تربية وطلعنا لاهلي
طيبين و خدومين ومحبين
ما شاء الله عليهم الله يخليهم يارب
فعلا صراحة كل مااخالط ناس بحس بقيمة اهلي اكتر وكيف انهم نعمَ الاهل واحسنهم
نفسي اكرمهم عالتلفزيون ولا قدام كل العالم
ربونا وعلمونا كل شي
اطلت عليكم
لكن من قهرتي والله
سامحوني
وارجو ابداء ارائكم
واسفة للاطالة
لكن صدقوني قمت من النوم فقط لاكتب الموضوع من القهر
والان انا ذاهبة لارتاح فانا جدا متعبة
تحياتي وانتظر ارائكم
انا صراحة قررت لن ازوررهم الا بعد مليون سنة
واذا البنت بالذات الي كانت قاعدة معي قالت لي ليش مابتيجي
راح اقلها معلش منتو مشغولين خاصة بالليل بتكونو بدكو تتعشو
والقي اليها ابتسامة او نظرة ذات معنى
....
الله يخليكو الي يااخوتي بالله
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة ملَك شادي ; 01-11-2007 الساعة 08:33 AM