انا لا صارت عندي فترة ملكة ولا خطوبة
خلال اسبوعين تقدم لي وصارت حفله بسيطة للزواج وقعد معاي اسبوع وراح بلده
وبعدين صار يجيني كل اسبوع او كل اسبوعين مرة
وعوضني في شهر كامل صار وياي احلى شهر مر بحياتي
وطبعا هذي للظروف الله يسامح الزمن والظروف ويجمعنا ببعض ياارب
مع هذا اهو في الرياض وانا في البحرين
لكن كل يوم وكل اسبوع وكل شهر يمر احس اني اموووووووووت فيه واشتاق له اكثر
وماصارت بيني وبينه 4 شهور الا شوي بدت الميانة تطيح
وماكلمنا 6 شهور الا خلاص صرت على طبيعتي اكثر
والحين لنا 11 شهر من تزوجنا ومع انه بعيد ويجيني في الشهر 4 مرات او 3 مرات لكن رسايل وغراميات وحب وليالي رومانسية واشعار وخواطر ومااخلي في خاطري شي ماقوله وقت ماحسيت اني في خاطري اقول له احبك
اتصل له اقول له انا مشتاقة لك احبك او ارسلها بمسج
يعني السالفة تختلف من شخصية لشخصية وعلى البيئة بعد يمكن ودها تقول بس
تشوف الي حوالينها ثقال وما يسون هالحركات
احس الحياة على صعوبتها ببعد الزوج عن زوجته الا انها تكسر الروتين وتخلق جو من التجديد
بس بالرسايل والمكالمات الهاتفية اقدر اخذ راحتي اكثر من لما يكون وجها لوجه
صارحها انك متعطش لكلمات الحب والغزل
ارسل لها مقالات ونصائح من المنتدى هنا على اميلها او اطبعهم لها برنت وعطيها تقرأ
اشتري لها كتب عن فن التعامل مع الازواج واقراهم معاها
قول لها احب الهدية منج ولو كانت مسج او بوسه انا مابي الكثير ابي اقل القليل من عطاياج
اطرح عليها فكرة مذكرة تكتب لها فيها خواطر حب وشوق او يوميات عنك وتقول لها ابرسلها لج وتكتبين انتي خواطرج لي ويومياتج واوقات شوقج لي وبنهاية فترة معينة مثلا نهاية السنة نجوف تكرار الكلمات مني ومنج ومدى الحب وادا كان في احد منا قصور على الثاني نحاول نصحح المقدار والكم في الحب علشان حياتنا تكون كلها محبة وود واحترام واقرب للكمال ويكون كل واحد منا مأدي واجباته نحو الاخر على اكمل وجه
وممكن تكون مذكرة الكترونية (صفحات وورد) منسقه ومرتبة وبصور ايقونات وزخارف
الله يسخرها لك ويحنن قلبها عليك
موفق اخوي ^_^
__________________
يا جابر كل كسيـــر..!
التعديل الأخير تم بواسطة بسمات الروح ; 01-11-2007 الساعة 03:14 PM