أخر الأخبار الى الأن:
بعد نقاش مع زوجي وكان سبب النقاش صار يجلس معاي بس ساكت ومايتكلم
واذا كلمته يكلمني من غير نفس طيب نتاقشت معاه
الكلام تكرر نهاية النقاش قلت له ياابو فلان لك شهرين بعدها اما امساك بمعروف او تسريح بإحسان
انت تعاملني معامله سيئة بدون ذنب
انا كأني فتحت علي باب مسكر والله فرح وقال خلاص مو انتي طلبتي شهرين لا تكلميني
بعد الشهرين راح اخبرك بعدها خلاص صار حتى مايكلمني ابد انا الى الأن في بيتي لكن يجي
ويجلس ويطلع ماتكلم معاي فأنا لما شفت هذا التصرف منه وانا مااخطيت في حقه بشي صرت مثله
ساكته مثله اقوم بواجباته وبدون كلام يالله الثبات احس بدا العد التنازلي لحياتي مع زوجي
مااكذب عليكم خفت والله ماابي الطلاق اتمنى يصلح حال زوجي والله يهديه ويغير حاله
انا تعبانه مهمومه احس ماعاد لي قلب يقوى احس انه بيطلقني
ادري يمكن تستغربون ردي وتقولون هذي وش تبي من مثل هذا الزوج !!
انا والله استخرت كثير وادعي الله يكتب لي اللي فيه الخير والصالح
مجرد مايجي الطلاق بفكري احاول اطرده
احيان اقول بنفسي افضل اني حددت مدة شهرين خلاص اذا يبيني واذا مايبيني راح ي
طلق سواء شهرين ولا سنه فليش ازعل نفسي
وصرت اعاتب نفسي ليش احدد مده وليش ماسكت وليش و و و
انا احترت بنفسي وتعبت
ماادري تصرفت صح ليش ارجع الوم نفسي شخص يقول مااحبك ولا اغليك بالقدر اللي يسعدك
افهموني اللي متعبني اني فبل هذي الفتره مبسوطه رغم المعاناة اللي كنت اعيشها
وماكان زوجي مبين لي اي شي كنت اشوف زوجي سعيد معاي ومرتاح ومتفقين مابينا مشاكل
سنة ونص ماصار بيني وبينه مشاكل او زعل ابدا مبسوطين الى ان تزوج وبعدها تغيرت معاملته واسلوبه
انا انصدمت بحياتي عقلي مو مستوعب اللي يصير معاي