المشاركة الأصلية كتبت بواسطة حاملة الهم

السلام عليكم ورحمة الله وبركاته .

اختي الغاليه ملك شادي هدي اعصابك وصلي على النبي واذكري الله ..

انا اقول ياختي التمس لاخيك بضعاً وسبعين عذراً .. يمكن هم عادينك بنتهم بالضبط . انا حاسه بنفس احساسك والله لاني زيك بغربه والواحد من وين لوين ليتعرف على ناس خيره ..

صدقيني ياختي اذا هم طيبين اعتبري اللي سووه لانهم يعتبرونك اختهم ... يعني شوفي اقول لك الصدق .. المفروض البنت كانت تقول مابي اتعشى والا اشرايك تجيبون لي عشاي هنا مع اختي ملك شادي ..

بس اختي هونيها وتهون والله ... لكن اذا حاسه اذا زياتك لهم بتعور قلبك وبتطير النوم من عينك ابعدي عنها اريح لك ..

ودايما اختي حطي في بالك انه الناس مب كلهم تفكيرهم مثل تفكيرك والله يمكن سووا هالموضوع بحسن نيه يعني ماكانوا حاطين في بالهم يبون يزعلونك .. هذا الاختلاط بالناس ومايسوي اذا بين الخوات والعيلة الوحده في سوء تفاهم فمابالك في ناس توك عارفتهم .

هدي اعصابك يا الغاليه ولاتزعلين نفسك وان شاء الله كل شي بيهون .. مااقول يمكن يعتذرون لك عن هالتصرف لانه يمكن هم مايظنون انهم غلطوا .. لكن شوفي اختي الغالية اذا تبين تقولين لها قولي بس مش بطريقة تلميح لا .. قولي لها والله انا هالشي ظايقني وافهمي منها الموضوع .. حرام تخسرين ناس خيره وانتي في غربه يعني صعب تحصلين غيرهم ..

الله يحفظك يارب وييسر في طريقك الناس الخيره