أول من الطبيعي انه طالب أولى ابتدائي أي شي بالفصل يلهيه
لانه اصلا جاي من الروضه وكلنا نعرف الروضات نظام فيه اكتر حريه للطفل ولا يتقيد
فمن الطبيعي انه في بداية السنة الدراسيه وحتى لنصف السنه الدراسيه المعلمات يشوفوا هالتصرفات مو بس من بنتك الا من اغلب الطلاب.. ولازم يتفهموا هالشي ويضلوا ينبهوا الطالبه لحد ما تتعود شوي شوي
والله يا اختي لسا اول ابتدائي اطفال حتى احيانا ما يفرقوا الدفتر من الكتاب ما لازم نلومهم
لكن اجلسي مع بنتك وقوليلها انا بعرفك مجتهدة ولو جاوبت بالفصل راح تكافئيها
ومن الضروري كمان انك تاخدي مثلا حلا بسيط لبنات صفها وتروحي تزوريها هالشي بيزيد ثقة البنت اكتر
اقعدي معها درس وخلاله شجعيها تجاوب .. ممكن تلاقي منك الأمان وبعدها ما يعود عندها اي مشكلة
وان شاء الله تخبرينا الاخبار الطيبه يا رب
الله يخليلك اياها