حاسة فيكِ وشوفي حال اللي أقل منك علشان ترتاحين

أنا صديقاتي كلهم تزوجوا الله يوفقهم وبعد كم يوم زواج آخر قريبة لي وأعتبرها صديقة وماتبقى

إلا أنـــا من صديقاتي وقريباتـي ومع هذا على قد ماتأتيني حالة ضعف وضيق وقلق إلا إني أضغط على

نفسي وأحاول إني أفرح أو حتى أتظاهر بالفرح وأنا كلي تفاؤل وثقة بالله

فكري فيها ياجوهرة إذا إنه ربي سبحانه وتعالى رزق كل من حولك بالحلم اللي يتمنونه إلا أنتِ

هذا وش معنــاه ؟ أكيد إنه ربي يحبك ويبي يشوف تضرعك ورجائك له ودعاؤك في كل وقت

ربي ماخلقنا ونسانا ومطّلع على كل شي ورحمتـــــــه أكبر من رحمتك لنفسك ورحمة والدتك

فيك ، لا تحرمين نفسك من فرحة لأني متأكدة إذا رحتي هناك وبين الناس والزحمة راح تنسين

حالتك وتتفائلين أكثر ، أهم شي إطلعي من جو الحزن هذا وقوّي نفسك بربك أكثر

إذا إستسلمتي للحزن راح تتنازلين عن كل شي بحياتك وشوفي تفكيرك الآن تبغين تتركين

شغلك ودراستك ليـــــــــه كل هذا ؟

إذا جلستي في البيت وقفلت كل شي عليك راح يتغير حالك ؟!

أبــداً ياجوهرة راح تدفنين نفسك بالحياة وتحرمينها من أشياء حلوة ماتشوفينها لأن عيونك ماتشوف إلا

الحزن والإحباط

وبعدين تعالي أقولك شي حلــو ، المفروض إنه خطبتك الأخيرة تعطيك أمل وتفاؤل أكثر مش العكس

لأنه اللي جاب لك الرجل اللي راح ، راح يجيب لك غيره بس تفائـــــلي وإدعي أكثر وإستغفـــري

وإنتبهــــــــــي ياجوهرة إنتبهي تستسلمين للشيطان الحين هذا وقتـــه راح يزن ويزن فوق راسك

لين يخلي كل حياتك ظلمـــاء ويخليك تعيسة خليك قوية وقومي الحين وإستعدي وإنسي حالك شوي

أو حتى تناســي وإنبسطي وإحتسبي روحتك لها لأنك تبغين تفرحينها بوجودك بزوجها واللي رزقها

وهي كانت بمثل حالتك بإذنه وحده راح يرزقك ويكرمك

كتبت كثييير ياجوهرة لأني أكتب لكِ ولي أنــا لأني في مثل حالتك ومثل موقفك

بإذن الله راح يرزقنا ونفرح مثل مافرحـــوا ونفّرح أمهاتنـا وراح نجني دعواتنا خير وقريبـــاً

بإذن الله .