لا حول ولا قوة الا بالله ,, والله ان عيني دمعت لمن قريت قصتج انتي وجويريه

ماتحتاجين لزوج بهالطريقه
اللي مايحترمج لاتحترمينه
خلي الزواج يكون عن طريق الاهل والاقارب

وساعات يكون الطلاق خيره وكل اللي قاعد يصير ابتلاء وفي ميزان حسناتج ان صبرتي ان شاء الله

(وكل امر المؤمن له خير إن اصابته ضراء صبر فكان خيرا له وإن اصابته سراء شكر فكان خيرا له ...


انا اقول خلج قريبه من ربج وكثري من الدعاء وصلاة قيام الليل - فهي الدواء لكل داء -
استعيني بالقرآن واجعليه صديقك الوحيد

انا ايضا مرت علي ايام ماحب اتذكرها
لكنها ايام قربتني من ربي حيل ,,
كنت كل ما تضايقت بثثت شكواي لرب العباد
في قيام الليل اجلس بالغرفه واقفل علي الباب واصلي وابكي وادعي وابكي واقول اللي بقلبي - باللهجه العاميه - اقول كل شي وكل اللي الناس سووه فيني

بعدها اخلص الوتر واشغل شريط قرآن سورة البقره اسمعها وانام واقوم الصبح احس اني انسانه ثاااانيه
وداومت على هالحال كل يوم قيام وقراءة قرآن في الليل وكثرة الاستغفار وسماع اشرطة المحاضرات اللي تبرد القلب
الى ان الله فرج عني كربتي ورزقني ماكنت اتمناه

انصحج يا اختي بهذا الدعاء انا كنت دائما اقوله بعد كل صلاة

اللهم اني اسئلك بكل اسم هو لك
سميت به نفسك أو أنزلته في كتابك او علمته احداً من خلقك أو استأثرت به في علم الغيب عندك
ان تجعل القرآن العظيم ربيع قلبي ونور صدري وجلاء حزني وذهاب همي وغمي

ولا تنسين يا اختي الاستخااااااااااااااااره بعد كل صلاة صلي استخاره وكثري منها
والله يرزقج بابن الحلال انتي وجويريه اللي يستاهلكم يارب

وسامحينا طولنا عليج