أختي سكون , تجربتي مثل تجربتك , طلاق , وبعدين خطابات وخلافه , وماكتب ربي لي شي , والآن عايشة وضعي بكل مميزاته , استشعر الحرية والراحة واللامسؤولية , وأحس بطعمها لماأجي من الدوام وغيري تطبخ وتكرف وأنا أنام , لما أطلع وقت ماأبغى وغيري تستأذن وممكن يرضى وممكن مايرضى , بصراحة وضعنا فيه مميزات وإن كان فيه عيوب لكن ليش مانتعايش مع المميزات , لما كنت منهبلة أبي أتزوج ماكنت أشوف هالمميزات , لكن لما تعايشت مع المميزات انبسطت وماعاد أنتظر الزواج مثل أول , إن جاء اللي أبغاه حياه الله , وإن ماجاء بسلامته أنا مبسوطة , وعيشت نفسي على هالتفكير , والحين الحمد لله كلي سعادة , أختي إن ماكنتي موظفة أو تدرسين , ادخلي معهد تدريب أو دورة أو تحفيظ قرآن , حاولي تشغلين وقتك , وبالنسبة لهذا اللي يكلمك نصيحة , غيري جوالك بدون سابق إنذار وعليها لايدري عنك وانسي رقمه وبسلامته , لو بيجيب لك كان جاب من زمان , ولو بيتزوجك كان تزوجك من زمان , خلي نفسك أرفع من أن تكون تسلية بيد رجل , خلي نفسك عزيزة ومثل مايقولون (عز نفسك تجدها ), واستغلي كل الفرص اللي قدامك , خلي اخوانك يساعدونك واطلبي منهم لما تحتاجين مساعدة , وكذلك أبوك وأهلك , هذا أفضل لك من مكالمات توجع قلبك بعدين وكل مافكرتي فيها ضاق صدرك , افتكي وتلقين الراحة .. اتمنى لك التوفيق يالغالية ..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك