منتدى عالم الأسرة والمجتمع - عرض مشاركة واحدة - مهمووومة .. متضااااايقة .. مخنوووقة

04-11-2007, 09:21 PM

بنت الجوهرتين

عضو نشيط جدا

تاريخ التسجيل: Aug 2007

المشاركات: 297

مهمووومة .. متضااااايقة .. مخنوووقة

أول مرة حكتب عن نفسي شي .. لكن بجد مخنوقة .. وأبغى أتكلم مع أحد او أحد يسمعني ويشاركني همي
من سنين وأنا زيي زي كل بنت نفسي أفرح بالزواج وأنسعد
صارت لي مشاكل صحية غر يـبة تروح المشكلة بالقرآن والرقية وبعدها تبدأ مشكلة ثانية وبرضه تروح بالقرآن وعلى هذا الحال من سبعة سنين
الحاصل .. وكذا مرة يتقدمو لي عرسان لكن إما ما عاد يرجعوا واتطور الموضوع بإنه تـتم الخطوبة
يشوفني وأشوفه ويحصل قبول وفي الأخير مايتم شي ويتفركش الموضوع والناس بعد ما يتصلو يباركو يبدأو يتصلو يواسو
وعلى هذا الحال كم عريس .. لدرجة انه ما صرت أفرح لو اتقدم لي أحد لأنه أحس ان الموضوع حيتفركش حيتفركش

الأن من شهرين انخطبت وما جبنا سيرة لأحد عشان لو ما تم الموضوع ما أتعب نفسيــًا
وخطيـبي ما اتـقدم في الموضوع ولا خطوة .. كل شي معلق
هو عنده اشوية مشاكل لكن ما أحسها حاجز يأخر الموضوع

مو متضايقة لأن الموضوع اتأخر واتعلق بقد اني متضايقة بسبب أمي وأبوية والهم اللي شايلينه عشاني بالذات انه اختي اللي أصغر مني الله سهل أمرها واتزوجت
أسمع تعليقات من الأهل والحبايب على تأخر زواجي تضايقني .. عن جد تعبت واللي تعبني وضع اللي حولي أكثر من وضعي
و الله مو عارفة إيش أسوي

أتمنى أقرا ردود تريحني اشوية .. والله ضايقة بيه الدنيا

__________________