ياحبيبتي وكلي امرك لله واستمري بالرقيه وكثري من الاستغفار والدعاء
وجيبي مسجل وخلي سورة البقرة 24 ساعه تشتغل بغرفتك
ولاتزعلين والاشي في ناس كثيرة صارت معاهم نفس الى معاك وماشاء الله مع الرقيه تم زواجهم وتتذكرين اختنا الغاليه الله يوفقها دنيا واخرة شوبارد كم مرة يصير معاها نفس الى يصير معاك ومع الرقيه والصدقه ماشاء الله لا اله الا الله يسر الله امرها ورزقها الزوج 
والعقبه لك يارب منباركلك عم قريب قولي بس يارب
وياعمري انتي كلا والله تمر فينا حالات ضيق وكدر بس وش نعمل والله لو بيدنا شي ماتلاقين ساكتين لكن كل شي بيد الله هو الوحيد الى قادر يجبر كسرنا ويعوض صبرنا خير
احتسبي الاجر عند الله وعارفه شعورك وصعوبته ان اختك الى اصغر منك متزوجه وانتي لا لكن والله محد ياخذ غير نصيبه ورزقه والى كاتبه الله لك يابن ادم غير تشوفه سواء زين او شين
وان شاء الله ان الله باذن الله مخبي لك خير كثير وفرحه كبر الدنيا وصلاح زوج وذريه بسبب صبرك هذا
قومي ياعمري انتي الحين واتوضي وصلي لك ركعتين واقري قران وربي غير تقولين ياربي اسعد غموض
لم تحسين بالراحه من الصلاة سميها صلاة حاجه ادعي ربك فيها اطلبيه تكلمي مع ارحم الراحمين الى يرحمك اكثر من نفسك ومن امك وابوك اشكيله ضعفك وكسرك ابكي وانتي تناجينه قولي يارب مالي غيرك ياحبيبي مالي غيرك كثري منها ياجبار ياجبار اجبر كسري وضعفي
والله يعينك ويصبرك ويرزقك الزوج الصالح التقي النقي قريب مو بعيد وانا وخواتي وبنات القسم عاجلا غير اجلا
وخلاص عاد نبغى مواضيع تفرح ان شاء الله يارب يارب يارب عجل باليوم الى نزل فيه مواضيع خطوبتنا على الازواج الصالحين
تعبنا من المواضيع الى كلها ضيقه وهم
لكن بالاخير مالنا غير الله ثم هالمنتدى الطيب الى نفضفض فيه وش نحس فيه من ضيق وكدر
يااختي الغاليه تذكري ان فيه ناس مثلك كثير بالمنتدى همهم همك وضيقهم ضيقك ويمكن اكثر الله المستعان بس
ياحبيبتي كل متضايقتي والاتعبتي من شي تعالي اكتبيه هنا فضفضي فيه كلنا اخوانك وخواتك هنا نسمعلك وندعيلك بظهر الغيب وتفرحلك ونزعل من زعلك وربي اني اكتبلك الحين واحس انك مثل خواتي لان كل وحدة بالقسم هذا اعتبرها اختي الى ماجابتها امي كافي ان الهم واحد ياعمري انتي هونيها وتهون
والله مادري ان اصبرك والا اصبر روحي
__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك
التعديل الأخير تم بواسطة غموض السنين ; 04-11-2007 الساعة 10:02 PM