الله يجزاكم خير وما قصرتو
والامور بينا على مايرام الان والحمد لله
لكن موعد المستشفى خلاص راح يروح علينا
والله لو اعد لكم ماراح تتخيلون شلون اعد الايام وشلون انتظر هالموعد بفارغ الصبر
لعله خير ...
دائما تجي في بالي هذه الكلمه لعله خيرا لي
كلمت المستشفى والدكتور اللي عارف حالتي وهو بالذات الي يعرف حالتي
وقالي خذي حبوب منع الحمل
دخل اجازه في نفس وقت الموعد
يمكن هذا دليل ان خير لي ان يتأخر
الا ذابحني انا زوجي مايبغى يروح لان المكان في القصيم وبعيد علينا
وخاصه اذا بيصير انابيب لازم نظل عندهم عشر ايام
قلت له مره في العمر بس قال العمل وظروف العمل
ويقول نسويها بفلوس في اي مكان اقرب
هذا يمكن الا ريحني
بس والله حرام تروح مواعيد المستشفى هم اعلم بحالتي
ومشو معي بالتدريج كل هذا راح هباء منثور
لي سنه وانا اراجع عندهم
وفجأه ينسحب في الوقت بدل الضائع
معليه ياهند لعله خير
ويمكن ربي يرزقني هالشهر والا الي بعده لاني بترك جميع العلاجات وبتوكل على الله
الله يحنن قلب زوجي علي والله يهديه
ويوافق بعد شهرين
متفائله بالخير بإذن الله ...
__________________
الحمد لله على نعمه وفضله وكرمه ..